VOV4.Xơ Đăng - A kơpong ôm hyô ngăn loăng pơlái kong kế Kolia, cheăm Thành Công, tơring Nguyên Bình, kong pơlê Cao Bằng – Khu pơkuâ Văn hok nghê̆ thuât mâu hdroâng kuăn ngo Việt Nam tơkŭm po Tíu pro văn hok nghê̆ thuât mâu hdroâng kuăn ngo Việt Nam hơnăm 2022. Veăng a Tíu pro Văn hok nghê̆ thuât mâu hdroâng kuăn ngo Việt Nam hơnăm kố ai 32 ngế ối tung Khu pơkuâ Văn hok nghê̆ thuât dêi 13 kong pơlê, pơlê kong kơdrâm kơpong peăng Kơnhŏng mê cho: Phú Thọ, Cao Bằng, Hà Nội, Lạng Sơn, Tuyên Quang, Bắc Kạn, Hòa Bình, Quảng Ninh, Thanh Hóa, Hà Giang, Yên Bái, Thái Nguyên ƀă Bắc Ninh.

Pơxiâm po Tíu chêh pro văn hok nghê̆ thuât mâu hdroâng kuăn ngo

Tung pơla sap hâi lơ 4/4 troh hâi lơ 12/4, mâu ngế pro văn hiăng tơpui tơno ‘na mâu tơdroăng vâ chêh pro tiô mâu khu văn môi tiah văn hok, kơchuâ um, xup um, tơdrá prôa, tơpui leăng, văn nghê̆ tiô khôi vâi krâ nah. Mâu ngế chêh văn veăng tíu pro văn châ prôk châ hlo ‘na pro văn a mâu tơring Nguyên Bình, Trùng Khánh, Hà Quảng.

A Sa Ly tơplôu [a\ tơbleăng