Kơmăng lơ 23/11, a tíu xiâm mơhno túa lĕm tro kong pơlê Dak Lak, Khu ngăn mơhno túa lĕm tro, Tơ’noăng ivá ƀă Ôm hyô Dak Lak tơkŭm po Hơdruê xuâng, tŏn chêng koăng kong pơlê Dak Lak hơnăm 2022. Veăng a rôh po mơđah hơdruê xoâng kố ai vâ chê 500 ngế ngê̆ nhân dêi 15 tơring, pơlê kong krâm ƀă pơlê kong kơdrâm tung kong pơlê Dak Lak. Tung 3 măng po mơđah, mâu tíu pêi cheăng kô mơđah mâu ƀai hơdruê, xuăng ƀă hên mâu tơdroăng ki hơniâp ro, môi tiah: tôu ƀai chêng koăng dêi hdroâng kuăn ngo; rơngê, ting ting, kơxuâng; vêh mơhno mâu tơdroăng ki mơdĭng xôi pleăng khôi hmâ dêi mâu hdroâng kuăn ngo môi tiah: Rơđế, Mnông, Jarai.

Kố cho rôh vâ mâu ngê̆ nhân, diẽn viên kuăn pơlê ai rôh trâm mâ, mơđah tơbleăng ngê̆ thuât tơtro ƀă tơdroăng ki tŏn chêng koăng, hnê tối, tơbleăng, mơđah mâu tơdroăng mơhno túa lĕm tro chêng koăng Tây Nguyên. Tơdrêng a mê hlối mơdêk ki hlê plĕng, hnoăng cheăng pôu, tơdroăng hâk tơngăm dêi mâu ngế ki pêi hnoăng cheăng rak vế ƀă mơdêk ki kơnía dêi mơhno túa lĕm tro hdroâng kuăn ngo.