VOV4.Xơ Đăng - Kơxê 21/9, a Hngêi tơ’noăng ivá kong pơlê Dak Lak pơxiâm po leh tơ’noăng mơgêi kơtú ƀa long mâu hok tro râ má môi ƀă râ má péa tung lâp tơnêi têa tơbriât cup Milo hơnăm 2022. Rôh tơ’noăng mơgêi kơtú ƀa long mâu hok tro râ má môi ƀă râ má péa tung lâp tơnêi têa Cup Milo hơnăm 2022 po ing hâi lơ 21 troh hâi lơ 27/9/2022, veăng tơ’noăng mê ai 248 ngế lo ing 16 Hngêi trung hnê hriâm ƀă hnê mơjiâng tuăn ngôa rơkê tung lâp tơnêi têa.

Pơxiâm tơ’noăng kơtú ƀa long mâu hok tro lâp tơnêi têa tơbriât cup Milo hơnăm 2022

Tung mê, ai pri tơ’noăng tơrá râ má môi ai 12 đô̆i, tơ’noăng râ má péa ai 8 khu. Mê cho mâu khu kơtú ƀa long ki rơkê hiăng châ kâ ƀă pơtối tơ’noăng rôh má mơ’nui tung kơpong I a kong pơlê Phú Thọ ƀă kơpong II a kong pơlê Bình Dương. Rôh tơ’noăng kơtú ƀa long mâu hok tro râ má môi ƀă hok tro râ má Péa tung lâp tơnêi têa Cup Milo cho plông xah hêi ki hmâ, loi khât dêi rơpó hlối pơtối tơkŭm po rêm hơnăm, cho hâi leh ăm mâu vâi o hok tro ki hâk vâ ‘na kơtú ƀa long.

Gương tơplôu ƀă tơbleăng