VOV4.Xơ Đăng - Kơxo lơ 26/4, a Khu tơ’noăng ivá dêi Kŏng an kong pơlê Kon Tum pơ xiâm po Leh tơ’noăng tenis ngăn ngế ki lâi rơkê pơla kơnốu - kơdrâi dêi tơnêi têa tơbriât xo Cup Sâm Ngọc Linh Kon Tum K5 hơnăm 2025. kố cho rôh apoăng kong pơlê Kon Tum ƀă xuân cho kong pơlê ki apoăng a kơpong Tây Nguyên chêh inâi po tơ’noăng.

Po tung 7 hâi, ing hâi lơ 26/4 troh hâi lơ 2/5, tơbriât pri tenis ki ngăn ngế ki lâi rơkê pơla kơnốu - kơdrâi dêi tơnêi têa Cup Sâm Ngọc Linh Kon Tum K5 hơnăm 2022 ai 140 ngế ki rơkê má môi dêi Việt Nam ƀă mâu ngế rơkê peăng cho mơngế Việt Nam ki rêh ối a kong têa ê veăng tơ’noăng. Tơ’noăng kâ pri ai 5 tơdroăng tơ’noăng, mê cho tơrá kơnốu, tơrá kơdrâi, péa ngế kơnốu, ƀă péa ngế kơdrâi ƀă pơla kơnốu ƀă kơdrâi. 

Rah xo plông tơ’noăng ki apoăng pơla ngế ki peăng cho pôa Nguyễn Tâm Đăng, khu lêng - pôa Trần Quang khu Kon Tum

Rêm ngế ki peăng chiâng phêp tơ’noăng ki hên gá 2 tơdroăng ƀă mâu tơdroăng ki chiâng ăm phêp tơdjâk ki pơchuâm tíu tơ’noăng. Ngế pơkuâ Khu po tơ’noăng ăm ‘nâi, hneăng tơ’noăng tơkŭm po vâ pro tơ’lêi hlâu ăm mâu ngế ki pơtâp ivá ‘na tơdroăng peăng tơ’noăng châ plah ƀă hbrâ vâ tơ’noăng a SEAGAMES 31.

Gương tơplôu ƀă tơbleăng