Ƀă inâi “Hlá mơ-éa ki ro kal ai mơngế pơchuât – Hlá mơéa kơnía diâp ăm pú”, tơdroăng Hâi Hlá mơ-éa ƀă túa lĕm tro pơchuât Việt Nam rôh má 3 a Dak Lak ai hên tơdroăng cheăng, môi tiah: rôh hôp, tơbleăng ‘na hlá mơ-éa, tơkŭm pơchuât mâu hlá mơ-éa, trâm mâ mơngế ki chêh; rơxế chơ hlá mơ-éa ukố utá ƀă tơdroăng cheăng ki lăm mơnúa pơchuât hlá mơ-éa; mơđah tơbleăng ƀă mơ’no tê mâu hlá mơ-éa, văn hoă phẩm, vật phẩm túa lĕm tro.

Klêi mê, ối kơchuâ um pêi pro hâi Hlá mơ-éa ƀă Túa lĕm tro pơchuât mơ-éa Việt Nam hơnăm 2024 ƀă inâi “Yêu Cà phê - Yêu Ban Mê” Mơđah tơbleăng hlá mơ-éa tiô mâu inâi Hriâm tâp ƀă pê tiô ƀối hiâm mơno, tuăn tơmiât, túa rêh ối Hồ Chí Minh; Chuăn rơlố; Hlá mơéa điê̆n tưh mơhno xiâm kối Dak Lak; hlá mơ-eá ăm mâu phô̆m vâ xông kân; hlá mơ-éa lĕm, mơéa ro; hnôu ‘măn mơ-éa điê̆n tưh Ebook ƀă hên ki ê.