VOV4.Xơ Đăng - Hâi lơ 25/1, tơkéa vâ tối hâi lơ 23/12, tiô khôi túa tơlá ton nah dêi mơngế Xuăn cho hâi xeăng kơnoh on, xeăng kơnoh on to ká mơdâu vêh a plêng vâ tơbleăng ăm tơdroăng ki trâm ai tung rơpŏng hngêi ăm kơ Kăn xeăng. Xua mê, rêm hơnăm a hâi ki kố, kuăn pơlê tung lâp tơnêi têa xuân hbrâ tơmeăm vâ xối pleăng chiân xeăng kơnoh on vêh a plêng.

Hơnăm kố, xua tơdjâk pơreăng COVID-19 mê kuăn pơlê hbrâ hmê kơchâi plâi vâ xối, ‘nâi kơdĭng la xuân tŭm, nhoăm pâ. Mơhé pơreăng tâ tú rơ-iô la kuăn pơlê xuân kơdo mơ-eăm pơtối rak vế khôi túa, vêa vong roh ton nah, mê cho kơ’nêi ká mơdâu klêi xối xeăng púi vâ môi hơnăm nếo tơniăn lĕm, trâm tơdroăng mơnúa.

Xối xeăng kơnoh on vêh a plêng, hvât lôi tơdroăng pá puât, khéa kho dêi hơnăm ton pro tuăn mơno kuăn pơlê chiâng hơniâp ro tâ vâ hbrâ pêi cheăng tung hơnăm nếo púi vâ tung hơnăm nếo trâm tơdroăng hơniâp ro.

Gương tơplôu ƀă tơbleăng