VOV4.Xơ Đăng - Ƀă tơdroăng krếo ‘’ Xua môi Đông Nam Á rơdêi tâ’’ Leh pơxiâm po tơ’noăng SEA Games 31 kô po a 20 giô kơmăng kố  lơ (12/5) a plông kân Mỹ Đình pơxá “ Thế mơ-eăm mơhno ki tơ-brê - Let’s  shine (xuân cho ko ƀai hơdruê ki khât hdrối vâ po SEA Games  31) cho púi vâ mơhno tơdroăng ki mơ-eăm ki môi tiah ƀa ki phá krê xêh dêi khôi túa vêa vong lĕm tro dêi mâu kong têa Đông Nam Á; krếo thế môi tuăn, hnê tối ăm dêi rơpó ‘nâi vâ mơjiâng môi khu kong têa tơrŭm krá kak tung pơla lâp plâi tơnêi dế trâm pá ƀă pơloăng mơnúa kân.

SEA Games 31 pơxiâm po tơ’noăng

Tơdroăng pơxiâm po ai mơđah leh prôk pơtăng, leh koh hlá cờ Việt Nam ƀă hơdruê bai ô eăng tơnêi têa, koh hlá cờ Đông Nam Á ƀă SEA Games 31. Klêi pơxiâm po leh, 11 ngế tơ’noăng ivá kô têk on  ƀă côu ăm on koh plông plông ăm bâ eăng a tíupo leh  tơbleăng tơ’noăng SEA Games  31.

Leh pơxiâm po mê kô mơhno um méa ki lê̆m má môi ‘na môi Việt Nam, hmâ, hâk hlé kơ tơmối rơtế ñă mâu kong têa tung ASEAN ki ê rơtế eăng bâ, rơdêi tâ klêi kơ’nâi pơreăng kân COVID-19 tơbleăng ing 3 tơdroăng mơđah, peăng má 1: “Việt Nam hmâ’’ . peăng má 2 “ Đông Nam Á rơdêi”. Peăng má 3: “ Đông Nam Á eăng bâ tơ-ƀrê”.

Gương tơplôu ƀă tơbleăng