VOV4.Xơ Đăng - Hâi lơ 14/4, Vi ƀan hnê ngăn kong pơlê Kon Tum tơrŭm ƀă tíu ki pro hngêi trung Đăi học Đà Nẵng a Kon Tum ƀă Khu tơrŭm tơroâ Việt Nam – Lếo kong pơlê tơkŭm po Têt khôi hmâ Bunpimay ƀă Chol Chnam Thmay ăm mâu vâi o hok tro Lếo prếi Kul dế hriâm tâp a kong pơlê.

Tơdroăng khôp pleăng pơ’lâng hơnăm ton, tơdah hơnăm nếo Têt khôi hmâ Chol Chnam Thmay dêi Kul.

A tơdroăng kố, kăn ƀă mâu vâi o hok tro pêi pro tơdroăng khôp kât prế a kŏng tung Têt khôi hmâ Bunpimay dêi Lếo ƀă xối pleăng pơ’lâng hơnăm ton ƀă tơdah hơnăm nếo Têt khôi hmâ Chol Chnam Thmay dêi Kul, rơtế hơniâp ro kơxuâng tơdrá Lăm Vông. Drêng kố, Vi ƀan hnê ngăn kong pơlê Kon Tum, ki pro hngêi trung Đăi hok Đà Nẵng a Kon Tum hiăng diâp mâu kơxuô kế tơmeăm ki ai pơxúa ƀă mâu rơkong rơkâu lĕm tro troh vâi o hok tro drêng rôh Têt khôi hmâ. Châ ‘nâi, nôkố ai lối 160 ngế sinh viên Lếo ƀă 17 ngế sinh viên Kul dế hriâm tâp a Hngêi trung Đăi hok Đà Nẵng ki pro a kong pơlê Kon Tum.

Katarina Nga tơplôu ƀă tơbleăng