VOV4.Xơ Đăng - Kơxê lơ 5/8, a pơlê kong kơdrâm Ƀuôn Ma Thuột, tơkŭm po Hneăng hôp mơđah tơbleăng, mơhnhôk ôm hyô tíu troh 5 kong pơlê ‘’Quảng Bình – Quảng Trị - Thừa Thiên Huế - Đà Nẵng – Quảng Nam’’ a mâu kong pơlê kơpong Tây Nguyên. Hneăng hôp vâ mơđah tơbleăng um Kơpong tơmeăm ki tơviah lĕm, tơbleăng mâu tơmeăm ôm hyô ƀă tơdroăng mơhnhôk kal vâ dêi 5 kong pơlê kơpong peăng tơdế tơnêi têa cho Quảng Bình, Quảng Trị, Thừa Thiên Huế, Đà Nẵng ƀă Quảng Nam troh mâu kŏng ti ôm hyô, ôm hêi a kơpong Tây Nguyên.

Tơbleăng, mơhnhôk ôm hyô ‘’Kơpong tơmeăm ki tơviah lĕm’’ a mâu kong pơlê Tây Nguyên 

Tơdrêng amê thăm mơnhông tơdroăng ki tơdjêp, tơrŭm mơnhông mơdêk ôm hyô pơla 5 kong pơlê kố ƀă mâu kong pơlê kơpong Tây Nguyên, pro tơ’lêi hlâu ăm mâu khu tê mơdró tơrŭm mơnhông mơdêk ôm hyô, thăm tơdjêp pơla 2 kơpong, kum pro tơniăn, tơtêk ƀă djâ ôm hyô chiâng kơvâ cheăng kâ ki xiâm. Pơtối mê, mâu tíu cheăng hiăng kĭ môi tuăn tơrŭm cheăng, mơnhông mơdêk ôm hyô pơla mâu kong pơlê tung 2 kơpong peăng tơdế Tơnêi têa ƀă Tây Nguyên.

A Sa Ly tơplôu ƀă tơbleăng