VOV4.Xơ Đăng - Tung tơdroăng po leh tơdrá hơdruê tung lâp tơnêi têa dế po a pơlê kong kơdrâm Ƀuôn Ma Thuột, Khu hriĕn chêh pro tơdroăng hơdruê Việt Nam tơrŭm ƀă Khu ngăn Văn học Nghệ thuật kong pơlê Dak Lak hiăng tơkŭm po tơpui tơno ‘na tơdrá hơdruê ton nah dêi Tây Nguyên tung tơdroăng rêh ối ‘na tơdrá nôkố.

Hâi hôp tơpui tơno tơ’mot hên mâu văn nghê̆ sih veăng tơpui tơno, ƀă ai hên tơdroăng chêh tối trâu rơdâ tâ. Ai 12 tơdroăng chêh tối châ tơbleăng a tơdroăng, mâu kăn hiăng tối tơdrăng tơpui ‘na tơdroăng vâ tăng troăng rơhlâ hriăn chêh bro mâu tơdroăng hơdruê ki nếo ăm tơtro ƀă tơdroăng rêh ối nôkố ƀă ô eăng khôi túa, vêa vong ki tơviah dêi tơdroăng hơdruê tiô tơdrá ton nah dêi mâu hdroâng kuăn ngo Tây Nguyên.

 Tơpui tơno mơnhên 'na tơdrá, prôa chal krtâ ƀă chal nếo

Ngế chêh pro tơdrá hơdruê Đỗ Hồng Quân, kăn hnê ngăn Hô̆i đong  nghê̆ thuật Khu hriăn chêh tơdrá hơdruê Việt Nam tối: Kố cho tơdroăng ki xiâm tơpui rêm hâi ƀă mâu tơdroăng hnê tối, tơpui tơno dêi mâu kăn tơpui tơdrăng khât. Hâi tơpui mê cho tơdroăng cheăng tí tăng ‘nâi plĕng hlối tối nhên ki tro ki ôh ai hên ki pơxúa a rôh mơđah tơbleăng ‘na tơdrá rơhdruê tung lâp tơnêi têa rôh kố.  

Gương tơplôu ƀă tơbleăng