VOV4.Xơ Đăng - Kong măng hâi lơ 26/8, a Tíu xiâm Mơhno túa lĕm tro kong pơlê Dak Lak, Hô̆i Văn học Nghệ Thuật Dak Lak tơrŭm ƀă Khu ngăn Mơhno túa lĕm tro – Tơ’noăng ivá ƀă ôm hyô tơkŭm po tơdroăng Tơbleăng ngế ki chêh, ƀai hơdruê, koh tơdah hâi Âm nhạc Việt Nam hơnăm 2022. A rôh po tơdroăng, mâu tơmối châ hmâng mâu ƀai hơdruê, xuâng ki hơniâp ro ƀă mâu ƀai hơdruê chêh ‘na kơpong tơnêi ƀă tơdroăng ki mơhno túa lĕm tro kong pơlê xua mâu nhạc sih Dak Lak chêh pro môi tiah: Lời Khan, Cô gái Êđê Bih váy ngắn, Đôi mắt Ban Mê, Rock cà phê, Mai tôi về Ban Mê, Buôn Ma Thuột – Em.

Diâp reăng ăm mâu khu ki chêh bro ƀai hơdruê dêi Dak Lak

Ƀă mâu ƀai hơdruê, kơhnhon xuâng ki hơniâp ro dêi Tây Nguyên, tơdroăng ki mơđah hơdruê ro dêi mâu ngê̆ sih ƀă mâu tơdroăng ki xiâm, cho khât sap ing mâu ngế ki chêh pro hiăng pro ăm tơmối chiâng ai hên mâu tơdroăng ki ƀriê tung hiâm mơno.

Katarina Nga tơplôu ƀă tơbleăng