VOV4.Xơ Đăng - Tơ’noăng Hơdruê, xuâng, tơdrá prôa lâp tơnêi têa hơnăm 2021 (roh má 2) châ pơxiâm po hâi lơ 17/6, a pơlê kong kơdrâm Ƀuôn Ma Thuột, kong pơlê Dak Lak. Tơkŭm po sap hâi lơ 17 – 30/6, tơ’noăng veăng amê ai lối 1.000 ngế nghê̆ sih, diên viên, kăn ƀô̆ troh ing 22 tíu cheăng ngê̆ thuât tung lâp tơnêi têa. Tơ’noăng ai mâu ngê̆ thuât: Hơdruê, xuâng, tơdrá prôa ƀă tơdrá prôa ki hên ngế rơtế xah, kơhnhon xuâng pro pơro, ƀă hía hé.

Tơ’noăng hơdruê, xuâng, tơdrá prôa lâp tơnêi têa a Dak Lak

Kố cho roh vâ mâu ngê̆ sih pêi cheăng a kơvâ ngê̆ thuât hơdruê, xuâng, tơdrá prôa châ trâm, hriâm dêi pó túa ki rơkê tơtro, mơdêk ki rơkê tung pêi cheăng; tơdrêng amê cho roh vâ kơ koan pơkuâ mơhno khôi túa lĕm tro ƀă khu râ kăn pơkuâ mâu tíu cheăng ngê̆ thuât châ hlo mâu ngế ki rơkê hơnăm ối nếo, ing mê ai pơkâ hnê tơ’nôm, mơjiâng tơtro. Hdrối mê, roh 1 dêi Tơ’noăng hơdruê, xuâng, tơdrá prôa lâp tơnêi têa tơkŭm po châ tơƀrê a pơlê kong kân Hải Phòng ing hâi lơ 18 troh 28/11/2021.

A Sa Ly tơplôu ƀă tơbleăng