VOV4.Xơ Đăng - Tung rôh po hơdruê, xuâng lâp tơnêi têa rôh má 1, kơxê lơ 20/5, Khu tơrŭm mâu Hô̆i Văn hok Ngê̆ thuât Việt Nam tơrŭm ƀă Hô̆i Văn hok Ngê̆ thuât kong pơlê Dak Lak tơkŭm po tơdroăng trâm mâ pơla Kăn hnê ngăn Khu tơrŭm mâu Hô̆i Văn hok Ngê̆ thuât Việt Nam ƀă kăn pơkuâ mâu Hô̆i Văn hok Ngê̆ thuât veăng tung hơdruê xuâng lâp tơnêi rêa rôh má 1 hơnăm 2022.

Kố cho rôh trâm mâ ki păng ‘nâng apoăng pơla Kăn hnê ngăn Khu tơrŭm mâu Hô̆i Văn hok Ngê̆ thuât Việt Nam, pôa Đỗ Hồng Quân ƀă kăn pơkuâ Hô̆i Văn hok Ngê̆ thuât ki tơrŭm cheăng a mâu kong pơlê. A rôh trâm mâ, kăn pơkuâ Hô̆i Văn hok Ngê̆ thuât mâu kong pơlê hiăng tơpui tơno ‘na mâu tơdroăng ki xơpá, tơ’lêi dêi tíu pêi cheăng tung pơla pêi cheăng.

Mâu ngế veăng hôp xup um tơbâ vế

Tối ‘na tơdroăng ki rơkê plĕng ƀă túa ki pơloăng mơnúa tơkŭm po tơdroăng dêi hô̆i vâ châ tơƀrê, tơkŭm tơrŭm hô̆i viên. Mâu kăn xuân tối mâu tơdroăng ki ối tô tuăn tơdjâk troh mâu tơdroăng cheăng, hnoăng cheăng pơkuâ ƀă rak ngăn dêi hô̆i kong pơlê. Pâ thế mâu tơdroăng tung hnoăng cheăng tơrŭm ƀă pêi cheăng tŏng kum sap ing khu tơrŭm.

Katarina Nga tơplôu ƀă tơbleăng