VOV4.Xơ Đăng - Vâ tơniăn ai hyôh phôn mơ’no a rôh  tơ’noăng SEA Games 31 pơxiâm po ing hâi lơ 12/5, Grup ngăn ‘na hyôh phôn hiăng mơdêk rĕng tơdroăng krâ pơklêp râ kơlo hyôh phôn - kơmăi kơmok pro ‘măn a mâu tíu po tơ’noăng. Troh nôkố, mâu tơdroăng pêi pro má mơ’nui dế châ VNPT pê klêi ƀă pơxiâm ăm kơtâu vâ hbrâ xúa tung hneăng tơ’noăng. Cho môi tung mâu tơdroăng po lêh tơ’noăng ki kân má môi dêi kơpong, tiô Khu pơkuâ ngăn tơ’noăng tối, riân ngăn, tơdroăng po leh mê kô tơ’mot hên troh 1 rơtal ngế ngăn um tơvi ƀă măng pơlê pơla ƀă ai 1 rơtuh 200 chôu mơ’no tơdrêng tung troăng hyôh.

Tơdroăng kố cho pá tơbrêi khât tung tơdroăng pêi pro tơniăn râ kơlo hyôh phôn  - ‘na kơmăi kơmok ki mơ’no xúa ăm hneăng tơ’noăng. Vâ rak ăm râ kơlo hyôh phôn mơ’no tung hneăng tơ’noăng, VNPT hiăng krâ ‘măn tơ’nôm hên troăng hyôh Internet ki hrik têi ƀă mâu tơmeăm ki mơdêk hrik têi hyôh 3G, 4G a mâu tíu tơ’noăng a Hà Nội ƀă 10 to kong pơlê, pơlê kong kân ki ê.

Kố cho mâu roh hyôh Internet châ pro troăng krê xêh ăm phep rĕng châ hrik mơ’no châ séa ngăn ƀă ăm mơnúa kơtâu vâ tơniăn drêng hrik mơ’no pôi tá tot dế rá vâ kơjo kum hên ăm tơdroăng po ngăn vâ ’nâi tơdroăng tơ’noăng SEA Games 31.

Gương tơplôu ƀă tơbleăng