VOV4.Xơ Đăng - Hâi lơ 2/12, kong pơlê Lâm Đồng châ hlo tơ’nôm 129 ngế nếo tro tâ COVID-19, mơdêk tâi tâng kơxô̆ mơngế tro tâ pơreăng tung kong pơlê tâk 3.623 ngế. Kơxô̆ mơngế tro tâ COVID-19 a Lâm Đồng hiăng tâk châ 9 xôh tâng pơchông ƀă drêng kong pơlê pơxiâm pêi pro mâu troăng pro pơhôi klâ kơtăn pơlê pơla. Vâ kơdroh ki hâ ho ăm mâu kơpong pơlât mơngế tro tâ COVID-19, Vi ƀan kong pơlê Lâm Đồng pơkâ pêi pro pơkâ pơlât F0 a hngêi.

Vâ kơdroh ăm mâu kơpong pơlât, Lâm Đồng pêi pro pơlât F0 a hngêi

Pơtối mê, F0 pơlât a hngêi cho ngế tro tâ COVID-19 ôh tá ai mơhno tơdroăng châi a ngâ, lơ ai laga ôh tá bê râ; ôh tá ai êi xôu lơ ôh tá bê oxy, ƀă cho ngế hiăng pâk tŭm 2 trum lơ 1 trum vaccine hbrâ mơdât COVID-19 klêi kơ’nâi 14 hâi ƀă hía hé. Pakĭng mê, F0 pơlât a hngêi ối thế ai tŭm mâu pơkâ pơklât ‘na tơmeăm khoăng, tơniăn tơmeăm khăm pơlât.

A Sa Ly tơplôu ƀă tơbleăng