VOV4.Xơ Đăng - Tiô Khu xiâm ngăn ‘na chiâk deăng ƀă mơnhông thôn pơlê, tung 9 khế, tâi tâng tơmeăm pêi lo ing chiâk deăng tê ăm kong têa ê dâng 40,8 rơtal dollars Mih , tâk 15,2%. Ing mê, tơmeăm pêi lo ing chiâk deăng, ká xi xŏng tê ăm kong têa ê dâng 6,9 rơtal dollars Mih, hên luâ tâ 2 hdroh tâng vâ pơchông ƀă hơnăm nah. Riân tơdjuôm 9 khế, khu tơmeăm pêi lo ing chiâk deăng xiâm, tơmeăm pro ƀă loăng ki xiâm ƀă ká xi xŏng ki tê ăm kong têa ê xuân tâk hên.

Troh nôkố, lâp tung kơvâ pêi chiâk deăng ai 7 tơmeăm, khu tơmeăm pêi châ pơxúa tê ăm kong têa ê lối 2 rơtal dollars Mih mê cho kơphế, kơxu, phái, kơchâi plâi, plâi hôt, xi xŏng, tơmeăm pro ƀă loăng. Hên tơmeăm ki kơnâ liăn châ tê ăm kong têa ê hên tâ tâng vâ pơchông ƀă hơnăm nah, môi tiah: kơphế, kơxu, phái, tiu, pôm loăng ƀă tơmeămpro ing pôm loăng, ká tra, xi xŏng, ƀă tơmeăm pro ƀă loăng.

Tung mê, ai mâu tơmeăm ki hlo tâk tung tê ăm kong têa ê kơnôm yă to kơnâ môi tiah kơphế tâk 22%, kloăng tiu  tâk lối 30%... ‘na tơdroăng tê ăm kong têa ê, Mih pơtối cho kong têa ki Việt Nam tê hên, châ lối 19,5 rơtal dollars, pơtối mê Sinuâ, Nhuk, Hàn Quốc...

VOV Tây Nguyên/Tơplôu: Gương