VO4.Xơ Đăng - Khu kăn Đảng kong pơlê Dak Lak nếo tơkŭm po hneăng hôp mơgêi 10 hơnăm pêi pro tiô pơkâ kơxô̆ 03 ƀă tơbleăng Pơkâ  kơxô̆ 08 dêi khu kăn Đảng kong pơlê ‘na mơjiâng thôn pơlê nếo. Luâ 10 hơnăm ƀă veăng tơmâng tá khu cheăng kal kí ing kong pơlê troh tơring,  cheăm, malối veăng kum kuăn pơlê tung kong pơlêDak Lak hiăng châ pêi tơ-ƀrê hên tơdroăng kal tung mơjiâng thôn pơlê nếo.

Mâu kăn kong pơlê Dak Lak lăm ngăn tơmeăm khoăng pêi lo ki xiâm dêi kong pơlê

Dak Lak kơdo mơ-eăm troh hơnăm 2025 ai lối 65% kơxô̆ cheăm châmơnhên tối thôn pơlê nếo; ai 4/15 tíu pêi cheăng râ tơring châ mơnhên tối thôn pơlê nếo, tung mê, ai ing 1-2 tíu pêi cheăng râ tơring châ mơnhên tối thôn pơlê nếo mơdêk tơ-brê; pê lo liăn tâng riân rêm ko kuăn pơlê tâk 1,3 hdroh tâng vâ pơchông ƀă hơnăm 2020; ai 200 tơmeăm OCOP châ mơnhên ing 3 hơlŏng tơngi klêng.

Vâ ai tiô pơkâ mê, kong pơlê Dak Lak pơkâ thế rêm râ kăn Đảng séa ngăn tơdroăng mơnhông pêi chiâk deăng, thôn pơlê, kuăn pơlê pêi chiâk cho tơdroăng cheăng pêi ahdrối dêi khu cheăng kal kí ƀă hnoăng cheăng dêi tâi tâng pơlê pơla, mơdêk tâ nếo hlê plĕng, pơ’lêh nếo tuăn tơmiât tung mơnhông cheăng kâ, thôn pơlê, kuăn pơlê pêi chiâk deăng tung mơjiâng thôn pơlê nếo.

Gương tơplôu ƀă tơbleăng