Kơxê lơ 25/5, a kong pơlê Dak Nông hiăng po Rôh hôp Tơrŭm pêt ƀă tê kế tơmeăm pêi lo ing chiâk deăng. Rôh hôp kố ai lối 30 khu mơdró kâ lo ing Pơlê kong kân Hồ Chí Minh rơtế ƀă 200 ngế teăng mâ mâu khu mơdró kâ, khu pêi cheăng tơrŭm, kuăn pơlê ki pêi chiâk deăng dêi kong pơlê Dak Nông veăng hôp. Dak Nông ai 4 kơvâ cheăng ki xiâm mê cho: kơphế (kloăng kơphế rêm hơnăm châ lối 350 rơpâu tâ̆n), tiu (vâ chê 60 rơpâu tâ̆n), kơxu (châ 31 rơpâu tâ̆n) ƀă mâu kloăng pơ’leăng hôt (châ 20 rơpâu tâ̆n).

Dak Nông tơkŭm po Hneăng hôp Tơrŭm pêi chiâk deăng ƀă tê dêi kế tơmeăm

Pakĭng mê ối ai hên kế tơmeăm sap ing loăng plâi kâ; kơchâi, plâi pôm. Kong pơlê xuân ai hlâu, ki pơxúa vâ mơnhông păn mơnăn mơnoâ ƀă ká xi xŏng. Troh nôkố, Dak Nông hiăng mơnhên châ 4 kơpong pêi chiâk deăng xúa kơmăi kơmok chal nếo ‘na kơphế, tiu ƀă báu ƀă tíu pêt vâ chê 2 rơpâu 500 ha; ai lối 85 rơpâu ha mâu hdrê loăng pêt ki xiâm xúa kơmăi kơmok rơxông nếo.

A rôh hôp, mâu khu mơdró kâ lo ing Pơlê kong kân Hồ Chí Minh rơtế ƀă mâu khu mơdró kâ, khu pêi cheăng tơrŭm pêt tê kế tơmeăm ƀă rơhêng vâ châ tơrŭm ing rêm pâ.