VOV4.Xơ Đăng - Tơkŭm kơtăng ƀă tơdâng tơ’mô mâu troăng hbrâ mơdât pơreăng a kuăn kiâ kong ki má lối cho ká xi xŏng sap apoăng hơnăm ‘’cho pơkâ dêi pôa Phùng Đức Tiến, Ngế xiâm phŏ pơkuâ ‘na pêi chiâk deăng ƀă mơnhông mơdêk thôn pơlê a hneăng hôp mơ’no tơdrêng tung um tiô troăng măng Internet ‘na hbrâ mơdât pơreăng a kuăn kiâ kong ƀă ká xi xŏng tơkŭm po a kơxo lơ 11/2 a Hà Nội.

Pơtối mê, mâu kong pơlê kal rah mơngế pêi cheăng vâ tơkŭm pêi pro châ tơƀrê mâu Tơdroăng, pơkâ tơnêi têa ‘na hbrâ mơdât pơreăng hiăng châ Ngế pro xiâm hnê ngăn Chin phuh kĭ. Tơdrêng amê thăm pêi pro tơdroăng mơjiâng tơmeăm khoăng, kơpong tơniăn pơreăng pro xiâm kối tơniăn tíu mơjiâng tơmeăm kâ ƀă tơmeăm vâ tê ngi kong têa ê, kum tung pơkâ tơtêk dêi kơvâ pêi chiâk deăng tung hơnăm kố. A hneăng hôp, mâu kăn tối pơkâ thế kal tah lôi mâu tơdroăng pá puât 'na troăng hơlâ tŏng kum kăn ƀô̆ khăm pơlât mơnăn a mâu tíu cheăng.

A Sa Ly tơplôu ƀă tơbleăng