VOV4.Xơ Đăng - Kơxo lơ 11/2, a Hà Nội, Khu xiâm pơkuâ ‘na pêi chiâk deăng ƀă mơnhông mơdêk thôn pơlê tơkŭm po hneăng hôp mơ’no tơdrêng tung um tiô troăng măng Internet lâp tơnêi têa ‘na hbrâ mơdât pơreăng a kuăn kiâ kong ƀă ká xi xŏng hơnăm 2022. Hơnăm 2021, tơmeăm ing kuăn kiâ kong tâk lối 4% tâng pơchông ƀă hơnăm 2020, laga mâu pơreăng ki rơ-iô tung hơnăm hiăng hluâ hiăng pro tro lup ‘na cheăng kâ lối 2 rơpâu 500 rơtal liăn.

Khu xiâm pơkuâ ‘na pêi chiâk deăng ƀă mơnhông mơdêk thôn pơlê xuân hiăng xing xoăng ăm mâu kong pơlê chât rơpâu kung kếo vaccine ƀă mâu pơkeăng hbrâ mơdât pơreăng a kơpôu ro chu, í peâp ƀă ká xi xŏng. Tiô mơnhên tơdjuôm, hơnăm 2022, pơreăng xông tâ tú a kuăn kiâ kong ƀă ká xi xŏng tơ’lêi hên.

Xua mê, a hneăng hôp, mâu kăn teăng mâ hiăng tơpui tơno ‘na tơdroăng mơdât mâu pơreăng ki rơ-iô a kuăn kiâ kong ƀă ká xi xŏng vâ pro tơ’lêi hlâu vêh păn, mơdêk mơnăn păn, tơniăn tíu mơjiâng tơmeăm ƀă kum tung tơdroăng tê tơmeăm ngi kong têa ê.

A Sa Ly tơplôu ƀă tơbleăng