VOV4.Xơ Đăng - Khu xiâm pơkuâ ‘na pêi chiâk deăng ƀă mơnhông mơdêk thôn pơlê nếo ai mơ-éa pơtroh Khu xiâm pơkuâ liăn ngân ‘na tơdroăng xúa phon rơvât hơnăm 2021, tiô tối hdrối tơdroăng kal xúa phon rơvât tung tơnêi têa hơnăm 2022.

Pơtối mê, Khu xiâm pơkuâ ‘na pêi chiâk deăng ƀă mơnhông mơdêk thôn pơlê pơkâ thế Khu xiâm pơkuâ liăn ngân hriăn plĕng séa ngăn troăng hơlâ xo hnoăng mơhá tơmeăm tê rôe ngi kong têa ê ƀă mâu tơmeăm môi tiah phon urea, phon DAP, MAP vâ tơniăn tíu mơjiâng pro ăm phon tung tơnêi têa drêng tíu mơjiâng pro ăm phon ôh tá bê môi tiah nôkố, yă phon rơvât tung tung kơchơ tê mơdró lâp plâi tơnêi ƀă tung tơnêi têa đi đo tâk hên, tơdjâk kân troh pêt mơjiâng tơmeăm pêi lo ing chiâk deăng, ivá tơbriât cheăng dêi tơmeăm pêi lo ing chiâk deăng ƀă tơdroăng rêh ối kuăn pơlê pêi chiâk deăng, ki rơhêng vâ tối tung pơla pá puât xua tơdjâk dêi kong prâi pro ôh tá tơniăn, pơreăng xông tâ tú ton xŏn. Tung la ngiâ, tíu tê phon rơvât xuân ôh tá tơniăn, ôh tá ‘nâi tối hdrối ‘na yă ƀă tíu mơjiâng pro phon.

A Sa Ly tơplôu ƀă tơbleăng