VOV4.Xơ Đăng - Tiô Khu xiâm pơkuâ ‘na pêi chiâk deăng ƀă mơnhông mơdêk thôn pơlê, 4 khế hiăng hluâ, tâi tâng kơxô̆ liăn tê tơmeăm khoăng ngi kong têa ê, tơmeăm loăng, pơlái, ká xi xŏng châ dâng 31,8 rơtal dollars Mih, tâk 7% tâng pơchông ƀă roh kố hơnăm nah; kơxô̆ liăn tê tơmeăm ngi kong têa ê hên, tê tơmeăm pêi lo ing chiâk deăng, loăng, pơlái, ká xi xŏng châ dâng 31,8 rơtal dollars Mih, tâk 7% tâng pơchông ƀă roh kố hơnăm nah. Tung 4 khế, tê ngi kong têa ê khu tơmeăm pêi lo ing chiâk deăng ki xiâm châ lối 7,4 rơtal dollars, tâk 10,5%; loăng, pơlái châ vâ chê 5,9 rơtal dollars, tâk 4,9%; ká xi xŏng châ vâ chê 3,6 rơtal dollars, tâk 43,7%.

Kơvâ pêi chiâk deăng hiăng ai 5 tơmeăm/khu tơmeăm ki kơnâ tê ngi kong têa ê châ lối 1 rơtal dollars mê cho: kơphế, phái, khu kơchâi plâi pôm, xi xŏng, tơmeăm ing loăng. Mâu tơmeăm ki kơnâ tê ngi kong têa ê kơnâ tâ tâng pơchông ƀă roh kố hơnăm nah, môi tiah: kơphế, kơxu, tiu, pôm loăng ƀă mâu tơmeăm ing pôm loăng, ká trá, xi xŏng, loăng ƀă mâu tơmeăm ing loăng. Mâu tơmeăm ki kơnâ tê tơmeăm khoăng ngi kong têa ê kơdroh mê cho: chế, khu kơchâi plâi pôm, pơ’leăng plâi hôt.

A Sa Ly tơplôu ƀă tơbleăng