VOV4.Xơ Đăng - A kong pơlê Kon Tum tung lối 2 khế hdrối hiăng ai vâ chê 30 rơpâu xiâm sâm Ngọc Linh hlâ. Xiâm kối châ mơnhên xua pơreăng kâ ‘nhiê, inoâ po ƀă kong mê príu. Riân ngăn dêi Vi ƀan hnê ngăn tơring Tu Mrông, kong pơlê Kon Tum ăm hlo, a kơpong pêt sâm Ngọc Linh 3 to cheăm dêi tơring Tu Mrông, mê cho: Măng Ri, Tê Xăng ƀă Ngọc Lây ai lối 29.100 to xiâm sâm hlâ xua oâ hdrong kâ ‘nhiê. Tung mê, cheăm Măng Ri ai kơxô̆ sâm hlâ má môi vâ chê 20.200 xiâm. 

Kong mê príu pro sâm Ngọc Linh tơđôu a cheăm Măng Ri, tơring Tu Mrông, kong pơlê Kon Tum

Pakĭng 2 to cheăm Măng Ri ƀă Đăk Sao ai lối 650 to xiâm sâm hlâ xua kong mê príu. Tiô klêi kơ’nâi séa ngăn, pơreăng kâ ‘nhiê ki hên cho a sâm Ngọc Linh môi hơnăm tung kơdrum ki mơdâ. Ai ƀăng tơnêi ki ‘nâ sâm Ngọc Linh tro oâ hdrong kâ ‘nhiê tâk troh 30%. Khu rak ngăn pêt mơjiâng ƀă rak vế pơkeăng xôh kơdê oâ hdrong kong pơlê Kon Tum xuân hiăng hnê pơchân kuăn pơlê vâ ai troăng hơlâ hbrâ mơdât.

Katarina Nga tơplôu ƀă tơbleăng