VOV4.Xơ Đăng - Ƀă tơdroăng ki xiâm cho tăng troăng tŏng kum mâu tơdroăng ki tơvâ tơvân ăm tơdroăng ki tơkŭm klâng tơnêi a kong pơlê châ pêi pro rơdêi, tơdâng, tơtro ƀă tơdroăng ki ai khât, hâi lơ 20/9, a tơring Kon Rẫy, Khu tơrŭm mâu Khu ngăn Khoa học ƀă Kih thuât kong plê Kon Tum tơrŭm ƀă Khu ngăn chiâk deăng ƀă mơnhông thôn pơlê, Khu ngăn kế tơmeăm tung têa, a tơnêi ƀă hyôh kong prâi, Vi ƀan hnê ngăn tơring Kon Rẫy tơkŭm po Roh hôp Khoa học “Tơkŭm hơ’lêh, tơkŭm tơnêi pêi chiâk deăng vâ pro ƀăng tơnêi kân rơdâ a kong pơlê Kon Tum.

Tâ tá rôh hôp

18 hơnăm rơkong veăng tơpui tối rơtế ƀă hên tơdroăng ki tối ‘na kơxop hlá mơ-éa a Rôh hôp hiăng pêi pro nhên tơ’nôm ki pơxúa dêi tơdroăng tơkŭm tơnêi pêi chiâk deăng vâ bro ƀăng tơnêi kân rơdâ a kong pơlê Kon Tum. Tơdrêng amê hlối tối leăng, mơ’no mâu troăng hơlâ vâ pơkâ tơleăng mâu tơdroăng ki tơvâ tơvân tung pơla pêi pro, môi tiah: Tơdroăng ki tơkŭm tơnêi nếo pơtê a tơdroăng ki tơrŭm pêt mơjiâng tá hâi pêi pro túa pơkâ, ‘mâi rơnêu ƀăng klâng chiâng kơpong tơnêi tơrŭm vâ pêi kâ túa pơkâ ki kân; Kuăn pơlê ai hiâm mơno tơmiât hía xúa tơnêi; Tơdroăng ki xúa kơmăi kơmok chal nếo tung pêi iâ ƀă hên ki ê.

Katarina Nga tơplôu ƀă tơbleăng