Tơdroăng kố veăng mơhno ki rơdêi ƀă ki pơxúa dêi kơphế Robusta tơmeăm ôu dêi Việt Nam kơ’nâi 6 hơnăm hriăn pêi pro a mâu tơdroăng râ ki kân tâ. Rôh tơ’noăng “Cup Odjeta Swan 2024" cho rôh ki rah xo kơphế Robusta tung lâp plâi tơnêi ki apoăng.

Tiô pôa Trịnh Đức Minh, Kăn xiâm hnê ngăn Khu pêi pro kơphế Ƀuôn Ma Thuột, rôh tơ’noăng Cup Odjeta Swan 2024 hiăng pro môi plông xah hêi tơdâng tơ’mô ƀă tơdrăng vâ pơ eăng mâu tơmeăm kơphế Robusta ki pêi pĕm. Tơdroăng ki tơƀrê mê dêi mâu khu mơdró ôh tá xê to tơdroăng ki hâk tơngăm dêi krê inâi mê ối cho mâ mơhno ăm hlo ki pêi lĕm krúa ƀă ki rế mơdêk lĕm dêi kơphế Robusta tơmeăm ôu Việt Nam a mâu  kơchơ mơdró ki nếo dêi mâu kong têa, tung mê, ai kơchơ mơdró dêi Sinuâ.