VOV4.Xơ Đăng - Pơreăng pro tơkrŭn hlá pôm loăng dế pơtối kâ ‘nhiê pôm a mâu tơring peăng hdroh kong pơlê Gia Lai. Krông Pa cho kong pơlê ai tơnêi pêt pôm kân rơdâ má môi dêi kong pơlê ƀă lối 21 rơpâu ha. Rơnó pêt hơnăm 2022 hiăng troh lối 4.000 ha pôm loăng tro pơreăng kâ ‘nhiê pro tơkrŭn hlá. Môi tiah mê, a tơring Phú Thiện hơnăm kố 6.000 ha pôm loăng, nôkố hiăng ai lối 50 ha tro pơreăng kâ ‘nhiê pro tơkrŭn hlá ƀă kơxô̆ pôm lŭp sap 5- 30%.

Pơreăng pro tơkrŭn hlá pôm loăng dế kâ ‘nhiê pôm a peăng hdroh Gia Lai

Pơreăng pro tơkrŭn hlá a hên hdrê pôm loăng môi tiah hdrê KM98, KM419, KM140. Ki xiâm cho xúa ing kuăn pơlê hmôu pơ ‘măn lôi hdrê pôm ton ôh tá rah, rôe hdrê ki ôh tá ‘nâi xiâm ulâi mê pơreăng chiâng kâ ‘nhiê hên. Hlo pơreăng kâ ’nhiê pôm loăng tung mâu hơnăm achê kố, kơvâ cheăng mâu kong pơlê a Gia Lai hiăng hnê tối ăm kuăn pơlê pơ’lêh pêt hdrê loăng ki ê a tơnêi hiăng pêt pôm loăng, pêt mâu hdrê nếo ki kâi trâng ƀă pơreăng, rah rôe hdrê ki lĕm ƀă hía hé

  Gương tơplôu ƀă tơbleăng