VOV4.Xơ Đăng - Peăng xêi hâi lơ 7/10, Tiu xiâm hnê mơhnhôk chiâk deăng tơnêi têa tơrŭm cheăng ƀă Khu ngăn ‘na chiâk deăng ƀă mơnhông thôn pơlê kong pơlê Quảng Trị tơkŭm po hneăng tơpui tơno ‘na tơdroăng ki rơkê mơjiâng hnoăng cheăng dêi Tôh hnê mơhnhôk pêi chiâk deăng pơlê pơla. Ki xiâm dêi tơdroăng tơkêa pêi kố cho vâ mơjiâng ki xiâm Tôh mơhnhôk pêi chiâk deăng pơlê pơla tơtro ƀă hnoăng cheăng a 13 to kong pơlê, pơlê kong kơdrâm tung lâp tơnêi têa, klêi mê, hnối po rơdâ a mâu kong pơlê ki ê.

Pơcháu 10 toăng tơƀai ki ôh tá ai mơngế vê ăm 2 Tôh mơhnhôk pêi chiâk deăng pơlê pơla

A hneăng tơno kố, Khu ngăn ‘na chiâk deăng ƀa mơnhông thôn pơlê kong pơlê Quảng Trị tối tơbleăng Pơkâ tơdroăng mơjiâng Tôh Hnê mơhnhôk pêi chiâk deăng pơlê pơla Hải Lăng - Cam Lộ. Drêng kố, Tíu xiâm hnê ngăn pêi chiâk deăng tơnêi têa khu Vĩnh Linh - Gio Linh - Cam Lộ. Drêng kố, Tíu xiâm hnê mơhnhôk pêi chiâk deăng tơnêi têa hiăng pơcháu 10 toăng tơƀai ôh ta ai mơngế vê ăm 2 Tôh hnê mơhnhôk pêi chiâk deăng dêi kong pơlê Quảng Trị.

Tơdrêng amê, tơkŭm po leh kĭ tơkêa tơrŭm cheăng pơla Tíu xiâm hnê mơhnhôk pêi chiâk deăng, Khu ngăn ‘na chiâk deăng ƀă mơnhông thôn pơlê kong pơlê Quảng Trị ƀă Kŏng ti pêi cheăng tiô rơnó Tiền Phong - Cam Lộ vâ mơnhông kơpong ki pêi mơjiâng tơmeăm ing loăng ki dâi khât.

VOV/Tơplôu: Nhat Lisa