VOV4.Xơ Đăng - Tơring Krông Pač dế krếo mâu khu ‘no liăn cheăng pêi a 10 tơdroăng tơkêa bro, tâi tâng  kơxô̆ liăn ‘no pêi dâng 650 rơtal liăn.

A “Hneăng hôp tơpui tơdroăng krếo mâu khu ‘no liăn cheăng mơnhông ‘na chiâk deăng krá tơniăn hơnăm 2022’’, Vi ƀan tơring Krông Pač, kong pơlê Dak Lak hiăng tối ăm mâu khu ‘no liăn cheăng, mâu khu mơdró ‘na tơnêi tíu tơ’lêi vâ pêt mơjiâng mâu loăng plâi ki pro tơ’lêi tiô pơkâ mơnhông mơdêk, troăng rơhlâ tơ’mot mâu khu ‘no liăn cheăng a tơring pơla hơnăm 2021-2025.

Teăng mâ kăn hnê ngăn, khu mơdró, khu cheăng khoa hok tơpui tono a hneăng hôp

A mâu kơvâ pêi chiâk deăng, pêi ahdrối cho ‘na pêi chiâk deăng hưh cơ, pêi chiâk deăng xúa kơmăi ki dâi lĕm ƀă xúa kơmăi kơmok uâ pơliê pro tơmeăm pê lo. Klêi “hôp tơpui mơhnhôk krếo mâu khu ‘no liăn cheăng ƀă mơdêk pêi chiâk, pêi chiâk krá tơniăn tơring Krông Pač hơnăm 2022” tơring púi vâ pơtối tơ’mot hên khu ‘no liăn cheăng, veăng ‘no hnoăng mơdêk cheăng kâ - rêh ối mơnhông mơdêk ƀă pê klêi tơdroăng pơkâ hneăng hôp Đảng bộ tơring hneăng hơnăm 2020-2025 hiăng pơkâ.

Gương tơplôu ƀă tơbleăng