VOV4.Xơ Đăng -.Khu xiâm ngăn pơkeăng ƀă khăm pơlât pơkâ thế mâu kong pơlê tŏng kum kuăn pơlê a kong pơlê mâu troăng hơlâ hbrâ mơdât pơreăng tiô pơkâ, ví tơdroăng ki pơlât xêh a hngêi ôh tá tiô tơdroăng ki pơkâ thế dêi kơvâ ngăn pơkeăng ƀă khăm pơlât. Khu ngăn pơkeăng ƀă khăm pơlât mâu kong pơlê athế tơbleăng, kơxô̆ phôn ki khĕn tơdrêng, vâ tơmâng ƀă pơkâ tơleăng tơdroăng, klêi kơ’nâi séa ngăn test drĕng, kháng nguyên yương tĭnh dêi kơ koan, tíu pêi cheăng ƀă kuăn pơlê a kong pơlê.

Kố cho tơdroăng pơkâ thế dêi Khu xiâm ngăn pơkeăng ƀă khăm pơlât, hlo tơdroăng ki ai mâu F0 prôk lăm troh a mâu hngêi pơkeăng klêi kơ’nâi séa ngăn test rĕng kháng nguyên, ăm ‘nâi yương tĭnh la ôh tá tơbleăng ăm tíu khăm pơlât a kong pơlê. Tơdroăng kố mơni chiâng tơdjâk troh tơdroăng ki tâ tú tung lâp lu.

Mâu kong pơlê kal mơdêk hnoăng cheăng tối tơbleăng, hnê mơhno ăm kuăn pơlê, kơ koan, tíu pêi cheăng a kong pơlê pêi pro mâu tơdroăng pơkâ hbrâ mơdât pơreăng, malối cho ƀă tơdroăng ki tơbleăng séa ngăn xêh, kum rĕng châ ‘nâi ngế nhôm, teăm klâ ăm ối krê, vê hdró kơpong ƀă hbrâ mơdât pơreăng, tơdrêng amê hlối kơdroh tơdroăng ki tâ tú tung kuăn pơlê.

Katarina Nga tơplôu ƀă tơbleăng