VOV4.Sêdang - Maluâ trâm hên xahpá xua pơreăng COVID-19, la ga [ă hên túa cheăng, khu kăn pơkuâ ngăn pơlê kong krâm Ayun Pa, kong pơlê Gia Lai hiăng to\ng kum mâu kế tơmeăm pêi lo ing chiâk deăng dêi kuăn pơlê châ tê dêi, maluâ mê cho a kơpong ki tâ tú pơreăng. Hòang Qui, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối:

Tung pơla kố, a tâi tâng mâu deăng pêt pía kái a cheăm Ia Sao, kơpong ki pêt pía kái kân má môi dêi pơlê kong krâm Ayun Pa, kuăn pơlê hiăng dế tro rơnó ki vâ krí xo dêi lối 40 ha deăng pía kái ki dế hiăng vâ tum. Tơdroăng ki kal vâ rôe kâ dêi kuăn pơlê klêi kơ’nâi Têt Lo hơnăm nếo 2021 tâk hên, tơdrêng [ă tơdroăng mê, xuân cho roh ki gak ngăn drô troăng chơ kế tơmeăm pêi lo ing chiâk deăng, yă pía kái dế nôkố hiăng kơnâ luâ tâ hdrối mâu hâi Têt. Jâ Trần Thị Kim Phượng, ngế ki hmâ rôe pía kái ai tối tiah kố, ôh tá riân hnoăng pêi, rêm ha mơngế pêt pía kái hiăng châ tơkâ sap ing 50 troh 70 rơtuh liăn, hên luâ tâ hdrối Têt [ă xuân luâ tâ rơnó kố a hơnăm nah.

“Yă tê pía kía dế nôkố kơnâ luâ tâ yă tê ahdrối Têt, yă nôkố vâi rôe ai 16 rơtuh 1 sao, 8 rơpâu liăn 1 kilô, chía kơnâ tâ hơnăm nah, hdrối Têt kố nah bu ai 2 rơpâu liăn 1 kg. Nôkố, rơxế ing kơpong kố ôh tá châ lo pá kong, bu ai rơxế ing pá kong mot tung kố nếo chơ djâ pía kái ki mê, hlá mơ-éa xuân athế xup um, nôkố rơxế á pơto pía kái vâ troh a Peăng Kơnho\ng athế pro hlá mơ-éa, drêng cheăm hlo hiăng tơniăn mê nếo ăm phep á vê rơxế pơto pía kía lăm troh kong pơlê ki ê”.

Rơxế rôe mot tung kơpong ai mơngế tâ pơreăng vâ kum kuăn pơlê a Pơlê kong krâm Ayun Pa châ tê dêi pía kái

Pôa Nguyễn Ngọc Vy, ngế ki pêt lối 2 ha pía kái a cheăm Ia Sao, pơlê kong krâm Ayun Pa xuân hơniâp ro xua hơnăm kố pía kơtóu hên, yă tê xuân hôm. Pôa Vy tối, ôh tá riân liăn ki mơ’no rôe hdrê, phon rơvât, rơnó kố rơpo\ng pôa châ tơkâ troh a 100 rơtuhu liăn.

“Tâng vâ tối tơchoâm yă chía tơniăn, vâi krâ-nho\ng o ngin xuân phiu ro, rêm hâi pêi cheăng xuân chía châ há. Mâu tíu ki gak ngăn drô troăng xuân ôh tá pro pá ki klâi, khu kăn pơkuâ ngăn akố xuân to\ng kum hên”.

Tíu ki gak ngăn ‘na hbrâ mơdât pơreăng COVID-19 a chêng văng Tô Na, môi tung mâu troăng prôk ki tơdjêp pơto hên kế tơmeăm [ă kuăn pơlê mot lo tung pơlê kong krâm Ayun Pa rêm hâi pơrá ăm lối hr^ng toăng rơxế chơ tơmeăm dêi vâi krâ-nho\ng o lo lăm tê a kong pơlê ê. Thươ\ng u\i Nguyễn Đình Trinh, Kan sat ngăn ‘na troăng prôk pơlê kong krâm Ayun Pa, kăn [o# rak ngăn ‘na hnoăng cheăng a tíu ki gak ngăn tơplâ mơdât pơreăng COVID-19 a chêng văng Tô Na, pơlê kong krâm Ayun Pa tối tiah kố, khu râ pơkuâ ngăn hiăng to\ng kum hên khât ăm tơdroăng ki mơ’no tê kế tơmeăm dêi kuăn pơlê, la athế rak vế, pêi pro tơdrăng khât mâu hnoăng cheăng ki hbrâ mơdât pơreăng tung pơla pơto kế tơmeăm.

“Tiô tơdroăng pơkuâ djâ dêi Khu hnê mơhno hbrâ mơdât pơreăng dêi pơlê kong krâm Ayun Pa tối, rơxế pơto kế tơmeăm ing kơpong tâ tú pơreăng ngin mơdât ôh tá ăm lo pá gong, bu to\ng kum ăm mâu tíu ki ôh tá ai mơngế tâ pơreăng, la pơto tơmeăm troh a tíu ki gak ngăn ngin ăm phep. {ă mâu rơxế ki chơ tơmeăm pêt ing kong pơlê ê mot tung tơring, cheăm ki ai mơngế tâ pơreăng, hdrối vâ mot mê ngin athế ngế ki vê rơxế mê chêh tối tu\m têk tơdroăng ivá, châ chăn, athế khăm ngăn i nhên [ă kơ’nâi mê ngin xup um rơxế, ngế ki vê, [ă mâu ngế ki kơto tiô tung rơxế mê vâ pơtroh ăm khu ko\ng an mơnhên”.

Ti xê to pía kái, dế nôkố pơlê kong krâm Ayun Pa xuân môi tiah mâu tơring peăng mâ hâi lo pá hdroh kong pơlê Gia Lai dế mot tung rơnó krí xo dêi kế tơmeăm ki ê, môi tiah kơtếo, pôm loăng, hât [ă kơxo# tơnêi ki tâk troh a rơpâu ha. Tơdroăng to\ng kum vâ pơto kế tơmeăm ing chiâk deăng tơkâ luâ mâu tíu ki gak ngăn ti xê to kum ăm to kuăn pơlê châ mơ’no tê dêi kế tơmeăm mê ối rak ngăn ăm mâu khu mơdró kâ, hngêi kơmăi châ uâ mơdiê, pơliê kế tơmeăm.

Hoàng Qui chêh

Nhat Lisa tơplôu [ă tơbleăng