VOV4.Sêdang - Ngoh Nguyễn Mạnh Cầm ối a thôn 5, pơlê kân Đăk Rơve, tơring Kon Rẫy, kong pơlê Kon Tum cho ngế ki hiăng châ [lê chiâng tung tơdroăng păn roăng í. Klêi kơ’nâi mơgêi hngêi trung trung cấp thú y, ngoh hiăng khên mung liăn vâ mơ’no rôe hdrê í Ai Cập, pin tối hdrê í Egipto. Kơnôm pêi kơhnâ, mơ-eăm [ă ‘no Liăn păn roăng í tro kih thuât, ing kơdroăng ki kơ’nê păn í mê, ngoh hiăng tê châ lối hr^ng rơtuh liăn rêm hơnăm.

Ngoh Cầm ối chôu vế: 2 hơnăm hriâm Trung cấp thú y hiăng kum ngoh hlê ‘na pơlât mơnăn, hbrâ tu\m tơdroăng ki tro ăm tơná pêi pro tro tiô tuăn tơná tơmiât vâ ‘na păn í. Pak^ng mê, kơnôm ing mâu hơnăm a ối pêi cheăng tung ko\ng ti tê mâu mơnăn mơnôa, ai ai rôh châ prôk hên tíu [ă châ achê [ă hên túa păn rak vâ mơnhông tơ-[rê tung păn.

Luâ hên hơnăm tí tăng hlê ple\ng, mơhriâm, hơnăm 2017, ngoh pơkâ ‘no liăn mơjiâng túa păn í Ai Cập (cho hdrê í Egipto). Xua tiô ngoh, mê cho túa păn ‘no liăn apoăng ôh tá hên to lâi, la tâng prêi pro tro kô châ xo tơ’mot liăn hên.

Tiô ngoh Cầm tối, hdrê í Egipto kô chiâng păn kroăng tơchoâm hên lơ păn kơ’nêi. Mâu í ki păn kô hên, hlối re\ng kân, [e\ng [eăn, tâng vâ riân môi to í kăn gá kơtâ dâng 200-210 pu\m/hơnăm. Pak^ng mê, hơ’nêh í ki mê xuân kâ kơhiâm, châ hên ngế vâ rôe.

{ă kơxo# liăn ‘măn kơd^ng dêi tơná rơtế [ă liăn mung ki hngêi rak liăn, ngoh Cầm hiăng ‘no lối 300 rơtuh liăn vâ mơjiâng túa păn. Lối 1.000 to í hdrê Egipto châ ngoh rôe ing Hà Nội, pâk pơkeăng vaccine hbrâ mơdât pơreăng tro tiô pơkâ; kơdroăng păn í châ ‘mâi pro, mơdêk ki ăm châ rơngiâp hlối bâ phuâng... Kơdroăng păn thế krúa đi đo, xôh pơkeăng kơdê pơreăng hdrối vâ kơ’nêi ki păn tung kơdroăng xap ing 2-3 măng t^ng; hdoăng che\m í xuân thế xôh pơkeăng kơdê pơreăng vâ krúa le\m hyôh kong prâi, ai tiah mê ‘nôi mâu í ki păn nếo mo le\m re\ng kân.

Ngoh Cầm [ă túa păn í mơnhông tơ-[rê tung cheăng kâ

Ngoh Cầm tối: Mơhé vâ kum, la hdrê í Egipto xuân cho môi tung mâu hdrê ki nếo. Tâng ôh tá rak ngăn krâu khât, mâu í mê kô tơ’lêi tro tâ pơreăng. Xua mê, rêm hâi, thế ngăn mâu í vâ ’nâi í ki lâi chôm re\ng tah. Ki kal má môi cho rôh í kơtâ (păn hiăng lối 21 măng t^ng), thế tơtro\ng troh tơdroăng ăm í kâ mơdrăn [ă pro rông, pro tíu ki í vâ kơtâ.

Châ rak ngăn krâu khât, tro tiô kih thuât, mâu í ki păn dêi ngoh Cầm re\ng kân, hngâ kuăn hên [ă mâu kơtâ í hlối le\m. {ă kơxo# í tối kơpêng mê 1 rơpâu to, klêi hiăng tah ôh tá riân kơxo# liăn ‘no hrê, rêm hơnăm, ngoh Cầm châ tê dêi châ xo lối 100 rơtuh liăn ing liăn ki tê kơtâ gá.

Kơ’nâi dâng 14 khế, í kô kơdroh kơtâ, mê xuân cho rôh ki ngoh Cầm thế tê dêi í khu ki hdrối vâ păn khu í ki nếo. Rêm to í rôh ki hdrối tê [ă yă 120 rơpâu liăn. Kơxo# liăn ki châ xo mê vâ tơ’mô [ă kơxo# liăn ‘no rôe kơtâk, mơdrăn, rôe hdrê í ku\n vâ hbrâ păn rôh kơ’nâi.

Ki tơ-[rê [ă túa păn í Egipto, ngoh Cầm hiăng pơkâ ‘no păn tơ’nôm hdrế lai ki kân vâ xo hơ’nêh. Xua kơxo# liăn ing păn í Egipto pro pơxúa, ngoh Cầm rôe păn 1 rơpâu 200 to í lai ki kân vâ păn. Ki pơxúa ing ai kơdrum hngêi rơdâ 4 sao, ngoh Cầm hiăng păn tiô túa păn kơ’nêi tung kơdrum. Kơnôm ing ai tíu rơdâ, í păn châ prôk tăng mơdrăn xah kơneăng tơdúa hên mê í chiâng ai châ le\m, hơ’nêh gá kâ kơhiâm, châ hên ngế vâ rôe.

Ngoh Cầm tối: hdrê í lai ki kân vâ [ă tơnêi tíu hyôh kong prâi a pơlê, kơxo# í păn rêh, rế tâk hên. ‘Na mơdrăn che\m í, kô chiâng xo mâu hrái báu, báu, pơlâ vâ che\m kơdroh kơxo# liăn rôe mơdrăn la í păn re\ng kân hngâ hên. Xua mê cho hdrê í kân, mê hdrê í ki kố oh tá ai hên ngế  vâ roê kâ tung rơpo\ng hngêi, xua mê vâ păn vâ tê ăm kong pơlê ki ê tê.

Nôkố í lai hdrê kân dêi ngoh Cầm rế hên păn hlối chiâng [ă í mo le\m. Dâng 4 - 5 khế păn tê môi hdrôh, ngoh Cầm tê môi hdroh, klêi kơ’nâi hiăng riân tah kơxo# liăn ki ‘no păn, rêm roh păn ngoh châ xo dêi dâng 50 rơtuh liăn. Kơxo# liăn ki châ xo mê, ngoh pơtối păn í ki ê nếo. Pak^ng 2 hdrê í nếo tối kơpêng mê, nôkố ngoh Cầm hiăng ‘no liăn pro tơ’nôm kơdroăng păn 700 to í  nếo vâ mơ’no tê tung hdrối têt kô ah.

Ngoh Nguyễn Mạnh Cầm hlo tiah kố: tơdroăng cheăng păn í môi tiah tơná mơhúa, hlối ai cheăng pêi, hlối pro pơxúa châ xo tơ’mot liăn [ă tơdroăng ki ro rêm hâi. Tung la ngiâ, ngoh kô pơtối po rơdâ tơnêi, bro tơ’nôm kơdroăng vâ mơdêk păn hên tâ [ă tơ-[rê tâ nếo.

Gương tơplôu [ă tơbleăng