VOV4.Xơ Đăng - Kơxo lơ 27/12, a Hà Nội hiăng po rôh hôp khoa hok lâp plâi tơnêi ‘no tơdrêng ing troăng hyôh internet pơxá: “Hnoăng cheăng dêi mơhno túa lĕm tro, kuăn mơngế ƀă tơdroăng cheăng hơ’lêh nếo ƀă mơnhông a Việt Nam ƀă Lếo”. A rôh hôp, mâu kăn tơpui tơno ‘na mâu tơdroăng ki pêi pro nhên hnoăng cheăng dêi mơhno túa lĕm tro, kuăn mơngế ƀă tơdroăng ki hơ’lêh nếo ƀă mơnhông cheăng kâ a Việt Nam ƀă Lếo tung chât hơnăm hdrối mê hía nah; Mơhno túa lĕm tro tung mơjiâng túa ki rơkê plĕng, hiâm mơno kuăn mơngế, malối cho ƀă rơxông hơnăm ối nếo; Mơhno túa lĕm tro tung tơdroăng mơjiâng mâu ngế cheăng rơkê pêi pro châ tơdroăng ki rơhêng vâ dêi tơdroăng cheăng rơkê plĕng nôkố dêi tơnêi têa.

Rôh hôp châ tơkŭm po tiô tơdroăng ‘no tơdrêng troăng hyôh um tơvi ƀă ing hyôh Internet

Tơdrêng amê hlối tối nhên hnoăng cheăng dêi mơhno túa lĕm tro, kuăn mơngế tung mơnhông mơdêk krá tơniăn dêi tơnêi têa, kuăn mơngế tung tơdroăng ki rơkê plĕng kong kế ki chiâng xêh, tơdroăng tung pơlê pơla ƀă mâu tơdroăng ki kơnía git, rơkê. Hnoăng cheăng dêi mơhno túa lĕm tro, kuăn mơngế tung rak ngăn tơnêi têa, rak ngăn pơlê pơla; hbrâ mơdât dêi tơdroăng kâ kơluâ, pro mơhrê liăn ngân; tơtrâ mâu tơdroăng tơmiât ôh tá tro, veăng kum rak vế ivá hiâm mơno dêi Đảng ƀă tơdroăng pơkâ xah hô̆i chuh ngiah tung tơdroăng nôkố.

Katarina Nga tơplôu ƀă tơbleăng