VOV4.Sêdang - Kơxo lơ 15/4, a Hà Nội, Khu xiâm ngăn ‘na chiâk deăng ƀă mơnhông thôn pơlê tơkŭm po hneăng hôp pêi pro Tơdroăng tơkêa bro thăm mơdêk ivá kơ koan pơkuâ kơvâ khăm pơlât mơnăn mâu râ, hneăng hơnăm 2021 – 2030; tơpui tơno troăng hbrâ mơdât pơreăng lo êi a kéa a kơpôu, ro, chu. Pơkâ xiâm dêi Tơdroăng tơkêa bro tung hneăng hơnăm 2021 – 2030 tơmiât troh pro ăm tŭm ƀă ó rơdêi tâ, thăm mơdêk ivá pơkuâ cheăng kơ koan pơkuâ kơvâ khăm pơlât mơnăn, tơniăn tơkŭm po pêi pro mâu tơdroăng khăm pơlât xêt khât, châ tơƀrê; mơdât tơtro pơreăng a kuăn kiâ kong, rak vế ivá pơlê pơla ƀă hbrâ mot tơrŭm trâu hơngế ƀă lâp plâi tơnêi.

Tơdjâk troh hbrâ mơdât pơreăng lo êi a kéa a kơpôu, ro, chu, tiô mơnhên dêi Kơ koan pơlât mơnăn, Khu xiâm pơkuâ ‘na pêi chiâk deăng ƀă mơnhông mơdêk thôn pơlê, pơreăng pơtối xông tâ tú ó a hên kong pơlê. Troh nôkố pơreăng êi a kéa a kơpôu, ro, chu  hiăng xông tâ tú a 781 cheăm dêi 149 tơring a 25 kong pơlê, pơlê kong kơdrâm tung lâp tơnêi têa.

A Sa Ly tơplôu ƀă tơbleăng