Mâu hâi apoăng dêi hơnăm nếo, vâi krâ nho\ng o pơxiâm mot tung rơnó pêi cheăng nếo [ă tơdroăng prôk lăm dêi a chiâk kơphế po nhâ, tôh têa [ă hên tơdroăng cheăng ki ê. Rêm ngế pơrá tơpui tó, sôk ro. Ngoh Điểu Sang, môi ngế kuăn pơlê ki pêi chiâk deăng tung pơlê ăm ‘nâi, hluăn ing kơtiê nôkố hiăng ôh tá ti xê tơdroăng ki xơpá xếo, xua mâu tơdroăng pêi cheăng kâ, sap ing hdrê pêt, kơxo# liăn ‘no, troh kih thuât, pơrá tơ’lêi hlâu khât.

Môi tiah rơpo\ng Điểu Sang, klêi kơ’nâi lo ing inâi rơpo\ng kơtiê hơnăm 2016, troh nôkố hiăng ai tơmeăm chôu, tơmeăm ‘măn, mơjiâng pro hngêi ki nếo le\m. Cheăng kâ hiăng chía niân, tơdroăng ki veăng kum mơjiâng thôn pơlê nếo xuân hiăng chiâng tơ’lêi hlâu. Hdrối kố nah, hbrâ ăm rôh kâ Têt Canh Tý, vâi krâ nho\ng o hiăng re\ng veăng kum châ 60 rơtuh liăn, krâ ‘măn pul on pro ăm bâ eăng a tíu tơdjuôm. Nôkố, a kong măng mê Ol Bù Tung xuân hiăng ai on trâ bâ eăng.

‘’Drêng ai on tơhrik bâ eăng cho [ă kơxo# liăn dêi vâi krâ nho\ng o veăng tơlo xêh mê tơdroăng cheăng kring vế tơniăn tro tâ, tâ tá mâu pơlê, cheăm hiăng hơniâp ro tâ, a kong măng mê ai pul on bâ eăng, hngêi ki lâi xuân ai. Tơdroăng trâm mâ hôp [ă tơdroăng rêh ối dêi vâi krâ nho\ng o hiăng rế hlê ple\ng tâ’’.

Ngoh Y Đoan, kăn pơkuâ pơlê Ol Bù Tung tối, dâng 7 hơnăm vêh ngi kố, vâi krâ nho\ng o tung pơlê ai tơdroăng rêh ối xơpá, cheăng kâ ki hên cho sap ing tơdroăng ki pêi cheăng vâi [ă pêt loăng plâi hôt mê pêi lo liăn ôh tá tơniăn. Mâu hơnăm achê kố, mâu troăng hơlâ ‘no liăn cheăng dêi Đảng, tơnêi têa rế hía rế mơdêk hlo tơ-[rê, tơdroăng rêh ối cheăng kâ dêi vâi krâ nho\ng o rế hía rế châ mơdêk.

Vâi krâ nho\ng o châ mung liăn kơjo kum sap ing hngêi rak liăn to\ng kum rêh ối pơlê pơla, châ hnê ăm kih thuât rak ngăn hdrê loăng pêt, mơnăn păn [ă hên ki ê. Kơxo# rơpo\ng kơtiê tung pơlê hiăng kơdroh khât, nôkố bu ối 18 rơpo\ng ối tung rơpo\ng kơtiê rơpo\ng vâ chê kơtiê.

‘’Nôkố vâi krâ nho\ng o hiăng ‘nâi xúa khoa hok kih thuât ‘nâi ‘no liăn pêi mâu tơdroăng cheăng môi tiah poê tơkâng, rơvât phon, tôh têa, nôkố 1 ha vâi krâ nho\ng o châ xo xuân hiăng châ 3 ta#n pơ’leăng. Rêm hơnăm rak ngăn kơxu, kơphế, loăng hôt [ă păn mơnăn mơnoâ. Kơxo# liăn mung mê tơnêi têa hiăng ăm vâi krâ nho\ng o mung, mê vâi krâ nho\ng o roê kơmăi, roê klo\ng têa vâ mơnhông cheăng kâ rơpo\ng hngêi rế hía rế tơniăn tâ’’.

Tiô Vi [an hnê ngăn cheăm Quảng Tín, ôh ti xê krê to pơlê Ol Bù Tung, mê tá 4 pơlê hdroâng kuăn ngo akố dêi cheăm pơrá hiăng ai tơdroăng rêh ối phâi tơtô. Mâu hơnăm hdrối nah, [ă mâu tơdroăng pêi ki ai pơxúa sap ing tơdroăng to\ng kum liăn, râng ko\ng mơhno cheăng tung pêi chiâk deăng tơku\m mơdêk hnoăng cheăng tối tơbleăng a pơlê, cheăm hiăng kum vâi krâ nho\ng o hơ’leh túa tơmiât, túa pêi, ôh tá ai xếo tuăn tơmiât tơkôm to a tơnêi têa to\ng kum.

Pôa Phạm Văn Hải, kăn pho\ hnê ngăn Vi [an cheăm Quảng Tín ăm ‘nâi:

‘’Nôkố tung kơpong hdroâng kuăn ngo vâi krâ nho\ng o hiăng hlê ple\ng tơdroăng ki mơnhông mơdêk cheăng kâ dêi tơná, vâi ‘nâi tơdrăng ki vâi athế hluăn xêh ing kơtiê. Tung pơla mê, rơpo\ng hngêi vâi klêi kơ’nâi châ kum tâi tâng mâu kơxo# liăn to\ng kum ki ai tơdjâk troh Đảng [ă Tơnêi têa, malối cho kơxo# liăn dêi hngêi rak liăn to\ng kum rêh ối pơlê pơla mê vâi kô tơku\m tung tơdroăng cheăng kâ [ă vâi rak ngăn hdrê loăng pêt, mơnăn păn vâ tê châ liăn, pêt mơjiâng mâu tơmeăm kô hluăn ing kơtiê, ôh tá tơkôm xếo tung tơdroăng to\ng kum dêi Đảng [ă Tơnêi têa’’.

Pơlê Ol Bù Tung nôkố hiăng chiâng ngiâ méa ki nếo. Kuăn pơlê Ol Bù Tung hiăng ai ivá dêi mâu ngế ki pro mơdro\ng. Tơdroăng kố dêi Ol Bù Tung mơhno tối ăm tơdroăng tơru\m, ‘nâi ivá mơeăm, tơkâ xơpá. {ă mâu troăng hơlâ pơkâ dêi Đảng [ă Tơnêi têa, vâi krâ nho\ng o tung pơlê pơtối tơdjuôm ivá, tơdjuôm tuăn hiâm mơjiâng pơlê cheăm rế hía rế kro mơdro\ng tâ.

Hoàng Qui chêh

Katarina Nga tơplôu [ă tơbleăng