Kô ai 16 khu pú hên, mâu ngế cho mâu ki ai tuăn mơ-eăm, púi vâ châ tơƀrê, tơkâ luâ tŭm tơdroăng xơpá, mơ-eăm tơkâ luâ tơdroăng pá hlâ rêh xua tơdroăng rêh ối dêi kuăn pơlê kô châ mơhá Pri Hâk tơngăm Việt Nam kơmăng hâi lơ 4/6/2023 a Hà Nội. Tơdroăng mê châ tơbleăng a rôh hôp ƀă khu chêh hlá tơbeăng kơxêi hâi lơ 1/6.

Tơdroăng Hâk tơngăm Việt Nam hơnăm 2023 pơxá: Tuăn mơ-eăm Việt Nam’’ tung mâu tơdroăng pêi pro vâ koh hâk hneăng hôp Kŏng đoân rêm râ ƀă Hneăng hôp má 13 Kŏng đoân Việt Nam; Tơbâ 75 hơnăm Hâi Pôa Hồ Chí Minh - Kăn xiâm hnê ngăn tơnêi têa krếo thế tơ’noăng pâ nhoăm tơnêi têa (11.6.1948 – 11.6.2023). 16 khu pú hên, mâu ngế cho mâu ki ai tuăn mơ-eăm, púi vâ châ tơƀrê, chiâng xiâm ki mơhnhôk mâu ngế mơ-eăm tung pơlê pơla ƀă tơdroăng púi vâ mơ-eăm rế tơƀrê, mơjiâng tơdroăng rêh ối phâi tơtô, hơniâp ro tâ, mơhno tuăn chân khên tơnôu ƀă tuăn ‘nâi kơdôu mơ-eăm dêi mơngế Việt Nam, hdroâng mơngế Việt Nam.

Tơdroăng hnê mơho dêi Tổng Liên đoàn Lao động Việt Nam, tơrŭm ƀă Khu po tơ’noăng - Khĕn kơdeăn dêi Xiâm tơnêi têa ƀă mâu khu xiâm, kơvâ cheăng xiâm tơnêi têa, xua Hlá tơbeăng Lao Động tơkŭm po.