Sap apoăng hơnăm troh nôkố, Đảng ủy, Khu xiâm pơkuâ Ƀinh đoân 15 hiăng tơkŭm pơkuâ, hnê mơhno tíu cheăng pêi kêi đeăng hnoăng cheăng mơjiâng tíu cheăng krá tơniăn ó rơdêi tâi tâng. Mâu tíu cheăng ối tung Ƀinh đoân pêi pro lĕm tro mâu troăng pơkuâ khu tê mơdró, pơkuâ liăn ngân, kơdĭng kơxô̆ liăn, mơdêk ivá pêi cheăng; kêi đeăng tâi tâng tơkŭm po ƀiên chê̆ tiô troăng iâ mơngế. Kơnôm mê, mơhé yă chá kơxu a kơlo iâ, laga Ƀinh đoân tơniăn pêi lo liăn tơdâng 7,3 rơtuh liăn/môi ngế/môi khế ăm kŏng nhân.

Sap apoăng hơnăm troh nôkố, Ƀinh đoân rah xo nếo lối 2.400 ngế kŏng nhân, tung mê ai 97% cho mơngế hdroâng kuăn ngo. Tơdrêng amê, Ƀinh đoân xuân tơkŭm po mâu kong pơlê pro nếo 600 trăng on tơhrik kơtâu ƀă mâ hâi vâ trâ bâ eăng 20 km troăng a 10 pơlê; tơkŭm po khăm pơlât, xing xoăng pơkeăng ăm rơpŏng mơngế ai hnoăng tơnêi têa, rơpŏng ai troăng hơlâ tơnêi têa tŏng kum a roh leh, têt.