Tung mê, kơvâ chiâ xo tơmeăm tung kơdâm tơnêi ƀă kơmăi kơmok uâ bro pơrá tâk lối 22%; mơjiâng pro ƀă xing xoăng mơ’no ăm on tơhrik tâk lối 12%. Riân tơdjuôm mâu khế apoăng hơnăm, kơlo têk chu mơjiâng pro tơmeăm kơmăi kơmok dêi kong pơlê Lâm Đồng tâk lối 8% tâng pơchông ƀă hơnăm hdrối. Rak tơdroăng ki tơtêk cho hmốu mơjiâng pro tâk vâ chê 21%; kơchâi drêh plâi pôm uâ bro châ vâ chê 16 rơpâu tâ̆n, tâk 12%; on tơhrik tâk 7%; tơmeăm ôxit nhôm châ lối 642 rơpâu tâ̆n.

Nôkố kong pơlê tah lôi mâu tơvâ tơvân a mâu tơdroăng tơkêa bro on tơhrik kơtâu ƀă khía vâ kô chiâng tơdjêp mơ’no on tơhrik tung khế 6, gum tung tơdroăng mơnhông mơdêk cheăng kơmăi kơmok.