Tơpui tơno, séa ngăn ăm rơkong veăng tơpui tối ƀă kơxop hlá mơ-éa Luât On tơhrik ki ‘mâi hơ’lêh; tơdroăng tơkêa Luât Cheăng pêi; Pơkâ thế mơjiâng Luât Tơdroăng tơdrêng; Pơkâ thế mơjiâng bro troăng rơxế lơ treng peăng Kơnhŏng - peăng Hdroh.

Ngế pro xiâm hnê ngăn tơnêi têa tối nhên, pakĭng tơdroăng ki kal ngăn nhuô̆m ‘na kơxô̆ hên iâ, teăm bro, kal athế ngăn ki rơkê tro dêi mâu hlá mơ-éa luât; tung mê, Ngế pro xiâm hnê ngăn tơnêi têa pơchân a xoăng râ, a xoăng hnoăng, prôk rơtế ƀă a xoăng liăn ngân, mơdêk ivá pêi pro dêi râ pá kơdâm, kơchuâ chêh mâu tơdroăng séa ngăn, hbrâ mơdât kâ kơluâ, tung tơdroăng mơjiâng bro hlámơ-éa luât. Ngế pro xiâm hnê ngăn tơnêi têa, athế ngăn nhuô̆m kơdroh mâu hlá mơéa, pơtê mâu troăng hơlâ “pâ-ăm”, kơdroh pro tơdjâk troh mâu kơ koan, kuăn pơlê,khu mơdró kâ, malối cho liăn ngân pêi pro kơtăng drêng athế pêi pro mâu hlá mơ-éa tiô hiâm mơno pơhlêh pơkuâ ki Chin phuh athế đi đo tơkŭm po hôp rêm hneăng.