Pơkâ pêi vâ pêi pro Tơdroăng pơkâ dêi Kuô̆k hô̆i, cho troăng pêi tiô luât ki kal vâ mơhnhôk khu râ pêi pro tơdroăng tơkêa bro on tơhrik trếo tik nik Ninh Thuận. Pơtối mê, Khu xiâm pơkuâ Kơmăi kơmok châ pơcháu pơkuâ, khu mơ’no liăn cheăng pêi pro Tơdroăng tơkêa bro Ninh Thuận 1 ƀă 2. Tung khế 9/2025, khu xiâm thế kêi đeăng kĭ tơkêa ƀă khu tơrŭm cheăng ‘na Tơdroăng tơkêa bro Ninh Thuận 2.

Vi ƀan kong pơlê Khánh Hòa châ pơcháu thâ pêi pro tơdroăng xĕn kuăn pơlê, xĕn tíu ối nếo ƀă tăng tơnêi. Khu xiâm pơkuâ hnê hriâm ƀă Hnê mơjiâng tuăn ngôa rơkê pơkuâ mơjiâng tơdroăng tơkêa bro hnê mơjiâng mơngế pêi cheăng pro on tơhrik trếo tik nik. Khu xiâm Khoa hok ƀă Kơmăi kơmok kô pêi pro tơdroăng tơkêa bro pơtâng tối ‘na troăng hơlâ mơjiâng on tơhrik trếo tik nik. Pơkâ pêi cho tơdâng tơ’mô tâi tâng hngêi trăng, troăng klông ăm 2 tơdroăng tơkêa bro hneăng hơnăm 2025 – 2026.