Pêi pro tiô Tơdroăng tơpui kâ cheăng lêng hơnăm 2024, kơxo lơ 6/8, a Hà Nội, Đăi tươ̆ng Phan Văn Giang, Ngế cheăng tung Khu xiâm kal kí, Kăn xiâm phŏ pơkuâ ngăn Đảng lêng Tơnêi têa, Ngế xiâm pơkuâ ngăn lêng pơkuâ po rôh leh tơdah ƀă tơpui tơno ƀă pôa Kihara Minoru, Ngế xiâm pơkuâ ngăn lêng Nhuk. A rôh tơpui tơno, ‘na túa tơmiât tơrŭm cheăng tung la ngiâ, Đăi tươ̆ng Phan Văn Giang pơkâ thế péa pâ pơtối mơdêk tơrŭm cheăng lêng pơxiâm mot tung hneăng mơnhông nếo, tơƀrê, tơtro ƀă tơrŭm cheăng “Kong têa tơrŭm cheăng tung la ngiâ tŭm têk xua hơniâp lĕm ƀă kro mơdrŏng a châu Á ƀă tung lâp plâi tơnêi”.

‘Na tơdroăng a têa kơxĭ, Đăi tươ̆ng Phan Văn Giang tối nhên, Việt Nam mơ-eăm po troăng pơkâ tơleăng mâu tơdroăng tơxup tơbriât ƀă tơdroăng ki hơniâp lĕm tiô luât plâi tơnêi. Tơhrâ a kơpong, malối cho UNCLOS 1982, Tối tơbleăng ‘na ki tơpui kâ dêi mâu rêm pâ a Biển Đông (DOC) ƀă mơdêk tơpui tơno Khu xiâm pơkâ tơpui dêi rem pâ a Biển Đông (COC) ai pơxúa, tơƀrê.