Tiô pơkâ, jâ Lê Thị Thanh Xuân, Kăn phŏ pơkuâ Khu kăn Kuô̆k hô̆i kong pơlê Dak Lak tơdah xo hnoăng pôk jâ pro kăn pơkuâ Khu ngăn hnê hriâm ƀă hnê mơjiâng tuăn ngôa rơkê, tung pơla 5 hơnăm, ing hâi lơ 1/8/2024 teăng pôa Phạm Đăng Khoa hiăng troh hơnăm pơtê cheăng tô pơkâ.

Jâ Lê Thị Thanh Xuân, kot mâ hơnăm 1977 (47 hơnăm), pơlê xiâm cheăm Dă Mrông, tơring Dam Rông, kong pơlê Lâm Đồng.Tơdroăng hriâm cho Tiê̆n sih Văn hóa dân gian, Cử nhân Sư phạm Ngữ văn. Hrâm lĭ luâ̆n chính trị cao cấp. Tung pơla pêi cheăng jâ Lê Thị Thanh Xuân hiăng pêi cheăng a hên kơvâ cheăng pơrá phá dêi pó: Yăo viên, Chuyên viên Khu ngăn hnê hriâm ƀă hnê mơjiâng tuăn ngoâ rơkê kong pơlê Dak Lak, kăn phŏ pơkuâ Hngêi trung Trường Trung cấp sư phạm Mầm non Dak Lak, Kăn pơkuâ ngăn Đảng pơlê kong krâm Ƀuôn Hồ, Kăn Kuô̆k hô̆i kong pơlê Dak Lak hneăng XIV ƀă XV.