Kô ai 36 khu kong têa ê ƀă dâng 230 ngế hiăng mơnhên kô veăng tung Rôh po leh tơbleăng kơphế Ƀuôn Ma Thuột rôh má 8 a Dak Lak. Ki nhên, kô ai kăn teăng mâ dêi 7 Tíu cheăng teăng mâ, 5 Khu xiâm pơkuâ tíu cheăng teăng mâ ƀă mâu kong pơlê dêi mâu kong têa Mông Cổ, Kul, Hàn Quốc, Lếo ƀă mâu khu tơrŭm, kơ koan chêh hlá tơbeăng, khu mơdró kâ kong têa ê.

Rơtế veăng tung mâu tơdroăng cheăng ki xiâm dêi Rôh po mơdĭng, mâu khu kố kô lăm hyô ngăn a mâu tíu ki pêt sầu riêng, túa pơkâ pêt, uâ mơdiê kơphế ƀă mâu kơpong ôm hyô dêi kong pơlê Dak Lak. Krê péa khu ngê̆ thuât kong pơlê Champasak (Lếo), Jeollabuk (Hàn Quốc) hiăng chêh inâi veăng tung Rôh po mơdĭng troăng kơphô̆ ƀă po mơđah ngê̆ thuât a péa tơring Lak ƀă Ƀuôn Đôn.

Khu tơkŭm po  Rôh po mơdĭng hiăng pơkâ thế mâu khu râ, pơkuâ cheăng, tíu pêi cheăng ki ai tơdjâk tơbleăng hnoăng cheăng tŏng kum krâu mâu khu tơmối kong têa ê troh veăng a rôh po mơdĭng Kơphế Ƀuôn Ma Thuột rôh má 8 hơnăm 2023.