Klêi kơ’nâi séa ngăn, tơpui tơno, Hô̆i đong kuăn pơlê kong pơlê Dak Lak hiăng tơbleăng pơkâ tơ’mot 2 to cheăm, 2 to bêng ƀă ‘mâi hơ’lêh tơnêi hdró pơkâ kơxô̆ kuăn pơlê ƀă 2 to cheăm. Mê cho a tơring Krông Bông kô tơ’mot cheăm Hòa Tân tơdjuôm ƀă cheăm Hòa Thành.

Klêi tơ’mot ƀă xo inâi cho cheăm Hòa Thành. A Ƀuôn Hồ, môi pâ cheăm Ea Blang kô tơ’mot ƀă cheăm Ea Drông. Môi pâ ki u ối kô tơ’mot ƀă cheăm Ea Siên. A pơlê kong kơdrâm Ƀuôn Ma Thuột kô tơ’mot bêng Thắng Lợi ƀă bêng Thàng Công mơjiâng inâi chiâng bêng Thành Công nếo. Tơ’mot bêng Thống Nhất ƀă bêng Tân Tiến chiâng inâi bêng Tân Tiến nếo.

Tơdrêng amê, kong pơlê kô ‘mâi hơ’lêh 1 pâ tơnêi, ngăn tiô pơ’leăng mâ mơngế dêi cheăm Ia Rvê, tơring Ea Súp tơ’mot ƀă cheăm Ia Lốp, tơring Ea Sup.