Hơnăm 2022, rêm râ Khu pơkuâ hnê ngăn Đảng hiăng séa ngăn lối 860 khu tơrŭm cheăng Đảng, séa ngăn lối 470 khu tơrŭm cheăng Đảng ƀă lối 2.800 ngế đảng viên. Vi ƀan séa ngăn rêm râ hiăng séa ngăn drêng hlo ai ngế pro xôi ƀă 11 khu tơkŭm cheăng đảng ƀă 227 ngế đảng viên. Tơdrêng amê, tơdroăng cheăng hnê khĕn, tối hôu mâu ngế pro ôh tá tro tung Đảng châ  pêi kơtăng tâ, tro tiô pơkâ.

Khu kăn pơkuâ ngăn Đảng, Vi ƀan tí tăng ngăn rêm râ hiăng séa ngăn hnê hôu pơxâu 2 khu tơrŭm pơkuâ hnê ngăn cheăng Đảng ƀă 280 ngế đảng viên  pro xôi. Tiô pôa Nguyễn Đình Trung, Ngế cheăng tung tíu xiâm Đảng, kăn hnê ngăn Đảng kong pơlê Dak Lak, klêi tí tăng ngăn, séa ngăn hiăng kum khu tơrŭm cheăng Đảng ƀă đảng viên ki pro xôi hlo nhên tơdroăng tơná xôi vâ pơtối ‘mâi rơnêu, veh lĕm, teăm mơdât tâng hlo ai mâu ngế ki ai tuăn ‘mêi vâ pro oh tá  tro, pơxâu phâk kơtăng tro luât Đảng.

Tung la ngiâ, khu kăn Đảng kong pơlê Dak Lak pơtối mơdêk séa ngăn, tí tăng ngăn ƀă pơxâu phak kơtăng tro tiô luât Đảng. Tung mê, malối tơmâng pơxâu tơleăng klêi mâu ngế pro xôi dêi khu tơrŭm cheăng, mâu ngế tiô mâu tơdroăng tối mơgêi klêi séa ngăn ƀă klêi riân ngăn liăn tơnêi têa a kong pơlê.