Ki xŏn ga lối 150 km kơxái kân, 345 km troăng kơxái on tơhrik hạ áp, 196 tíu krâ ‘măn kơmăi on tơhrik ƀă ‘mâi rơnêu tíu krâ ‘măn kơmăi tơdrêng ƀă hên tơmeăm ki ê. Pakĭng mê, kŏng ti xuân tơkŭm ‘no liăn pro troăng kŏng ngê̆ thong tin, kơmăi ki chiâng kơtâu xêh vâ xing xoăng mâu tơdroăng tung kơmăi on tơhrik... Ƀă hbrâ rơnáu khât tung 7 khế hdrối, Hngêi kơmăi on tơhrik Dak Lak hiăng pêi klêi 20 tơmeăm khoăng, xo liăn ngân lối 1/3 pơkâ liăn tung hơnăm.

Mâu tơdroăng tơkêa pro po rơdâ, ‘mâi rơnêu troăng kơxái ƀă hên tíu krâ ‘măn kơmăi biê̆n ap, hiăng châ ‘măn, gum mơdêk ivá ‘no on tơhrik tơniăn, hlâu tơ’lêi ăm tơdroăng mơnhông cheăng kâ rêh ối pơlê pơla. Nôkố kơvâ ngăn on tơhrik dế tơrŭm ƀă mâu kong pơlê ‘mâi rơnêu mau tíu hiăng tơ’nhiê, tíu ối tơvâ tơvân tung tơdroăng ‘mâi xĕn tơnêi hngêi trăng vâ rĕng mơjiâng pro, tơdroăng tơkêa ki hiăng ăm liăn pro.