Rôh tơ’noăng Vâi kơdrâi thôn pơlê pơxiâm pêi cheăng pơhlêh nếo, tơmiât pêi rơkê cho tơdroăng cheăng ối tung tơdroăng Pơkâ “Gum vâi kơdrâi pơxiâm pêi cheăng” hơnăm 2025 xua Khu ngăn vâi kơdrâi kong pơlê Dak Lak tơbleăng pêi sap ing apoăng khế 9 hơnăm kố, tơ’mot lối chât tơdroăng tơkêa bro dêi rêm Hô̆i, khu mơdró kâ, khu pêi cheăng tơrŭm, tôh pêi cheăng tơrŭm ƀă mâu ngế krê tung lâp kong pơlê veăng.

Tiô mơnhên tối dêi Khu ki châm điêm, mâu tơdroăng tơkêa bro kố hlo gá tro ƀă inâi, mơhno hiâm mơno tơchĕng tơmiêt pêi rơkê ƀă tơdroăng púi vâ pơxiâm pêi cheăng dêi vâi kơdrâi a thôn pơlê. Ing rôh tơ’noăng ki apoăng, Khu tơkŭm po hiăng rah xo 18 tơdroăng tơkêa ki rơkê mot tung rôh tơ’noăng má mơ’nui. Akố, mâu ngế ki tơ’noăng tơpui leăng tơdrêng, pro nhên tơdroăng ki pơhlêh nếo tơmiât pêi rơkê, ivá ki rơkê tung tê mơdró kế tơmeăm, kơlo ki tâk, xuân môi tiah ki tơdjâk ‘na liăn ngân, pơlê pơla dêi tơdroăng tơkêa.