Vi ƀan kong pơlê Dak Lak nếo ai mơ-éa pơtroh Khu xiâm pơkuâ ‘na pêi chiâk deăng ƀă mơnhông mơdêk thôn pơlê tât troăng têa hiu Long têa kơdĭng têa Krông Pač Thươ̆ng a poăng khế 3 hơnăm kố. Tơdroăng tơkêa bro Long têa Krông Pač Thưŏng cho tơdroăng tơkêa bro long rơchôa hno têa ki xiâm châ Khu xiâm pơkuâ ‘na pêi chiâk deăng ƀă mơnhông thôn pơlê kĭ a hơnăm 2009 ƀă pơxiâm mơjiâng pro a hơnăm 2011, ai tâi tâng kơlo liăn mơ’no lối 4.420 rơtal liăn, xua Khu pơkuâ Mơ’no liăn cheăng ƀă Mơjiâng long rơchôa hno têa 8 pro khu mơ’no liăn cheăng.

Drêng pêi kêi đeăng, djâ ăm xúa kô bê têa tôh ăm 15.000 ha tơnêi pêi chiâk deăng; tăng cheăng pêi, pơ’lêh tơdroăng rêh ối ăm 9.620 rơpŏng, pro tíu ôm hyô, păn ká xi xŏng ƀă hía hé. Troh nôkố, kơpong tơmeăm ki xiâm long hdoăng têa Krông Pač Thươ̆ng châ lối 90% hiăng kêi; rơchôa hno têa xuân châ 80 – 85 hiăng pro kêi đeăng.