Mâu hâi achê kố, tung kong pơlê Dak Lak ai hên tíu tê têa châu têa kơxăng kơtúa kơƀâng tối hiăng tâi têa châu têa kơxăng vâ tê, pơtê tơdroăng mơdró. Mâu khu tê mơdró tối, xiâm kối chiâng ai tơdroăng kố xua tê mơdró tro lŭp ƀă ôh tá ai têa châu têa kơxăng vâ tê. Tiô séa ngăn nhên dêi khu chêh hlá tơbeăng, hâi lơ 31/1, cho hâi má 10 khế 1 âm lĭch hơnăm Quý Mão, bu krê drô troăng kân Hồ Chí Minh kơpong tơkâ hluâ pơlê kong krâm Ƀuôn Hồ, hiăng ai 2 tíu tê têa châu têa kơxăng cho “Appollo Oil kơxô̆ 8” ối tung Kŏng ti pêi cheăng tiô rơnó môi khu tê mơdró Hoàng Nam ƀă Tíu tê têa châu têa kơxăng ‘’Hồng Quý 1’’ kơtúa kơƀâng tối hiăng tâi têa châu têa kơxăng.

Drô troăng kân tơnêi têa 29, kơpong tơkâ hluâ cheăm Tân Lập, tơring Krông Ƀuk, ai Tíu tê têa châu têa kơxăng Rồng Vàng xuân kơtúa kơƀăng tối tâi têa châu têa kơxăng ƀă pơtê tê. Tiô Kơ koan xâm pơkuâ kơchơ mơdró Dak Lak, kơ koan hiăng ‘nâi tơdroăng mâu hngêi tê mơdró têa châu têa kơxăng tung tơring Krông Ƀuk ƀă pơlê kong krâm Ƀuôn Hồ tâi têa châu têa kơxăng vâ tê, kơtúa kơƀăng tối pơtê tê mơdró.