Nôkố Khu ngăn on tơhrik Dak Lak dế rak ngăn lối 130.200  to trăng on tơhrik ki ai kơxái kap kân hrik hyôh mơ’no mâu tơdroăng ki xúa tơdjuôm. Kŏng ti hiăng ‘no liăn mơjiâng pro, ‘mâi rơnêu mơdêk kơlo ki a ‘ngêi dêi trăng on tơhrik ƀă rak ngăn pro tơniăn kih thuât, tơniăn troăng kơxái on tơhrik. Mơhé ti mê, tơdroăng hnhâng kơxái kap ki kân hrik hyôh mơ’no mâu tơdroăng a trăng on tơhrik ki lơ hnhâng hmâng vâ hiăng pro rơ-iô, tơ’lêi trâm xía vâ.

Mâu hơnăm hdrối mê hía nah, kơvâ ngăn on tơhrik Dak Lak hiăng  ‘mâi rơnêu mô mơne tơdroăng ‘mâi kât ăm i lĕm ôh tá ăm hlo rơhnôk rơnhâk mâu kơxái ki hnhâng ƀă mâu mâu kơxái on tơhrik tơdjuôm a trăng on tơhrik. Pơkâ pêi tung hơnăm 2024, Kŏng ti pơtối ‘mâi rơnêu pro ki xŏn tâi tâng lối 46km kơxái hrik hyôh vâ mơ’no on, hnhâng tơdjêp ƀă a trăng on tơhrik a kơpong xiâm pơlê kong kơdrâm Ƀuôn Ma Thuột, pơlê kong krâm Ƀuôn Hồ ƀă mâu tơring Krông Pač, Ƀuôn Đôn, Krông Năng, Cư̆ Mgar, Ea Kar.

Mê cho tah mâu troăng kơxái cka ki hiăng kơtê, tơklêh ôh tá xúa xếo, kât, tơ’môe i krá lĕm ƀă mâu kap ki rơlối, toi ăm tơdjiăn nếo ki xŏn dêi mâu kơxái kap hnhâng a ‘nâi.