Hâi lơ 10/3, a cheăm Ea Drông, tơring Čư̆ Mgar, kong pơlê Dak Lak, Kŏng ti Tơlo liăn Grup pơkuâ tê mâu plâi kâ Chánh Thu hiăng tơkŭm po leh pơxiâm pro Hngêi kơmăi uâ têng plâi kâ vâ tê ngi kong têa ê Chánh Thu Dak Lak. Hngêi kơmăi uâ têng plâi kâ vâ tê ngi kong têa ê Chánh Thu Dak Lak ai ki têi 70 rơpâu tâ̆n tung môi hơnăm ƀă tâi tâng kơxô̆ liăn ‘no lối 476 rơtal.

Hâi khế pro ƀă klêi tung pơla 18 khế. Drêng pơxiâm ăm pêi cheăng hngêi kơmăi kố kô tơkŭm tung tơdroăng ki roê, tâ tung kơthung mâu túa plâi kâ ki ối drêh ƀă pro hngíu môi tiah: Sầu riêng, krui kơxái, pôm ló, priât, plâi rơgá, plâi nong ƀă hên plâi ki ê vâ tê ngi kong têa Sinuâ, Nhuk, Mih, Australia.

Tiô pôa Hoàng Trung, ngế xiâm pơkuâ ‘na pơkeăng rak vế xôh kơdê oâ hdrong, Khu xiâm ngăn chiâk deăng ƀă Mơnhông thôn pơlê, ƀă ki ai hlâu ‘na pêi chiâk deăng dêi kong pơlê Dak Lak, drêng hngêi kơmăi uâ têng mâu plâi kâ vâ tê ngi kong têa ê Chánh Thu Dak Lak pơxiâm pêi cheăng kô veăng kum pêi pro klêi tơdroăng ki kơnía ‘na tê kế tơmeăm pêi lo ing chiâk deăng xuân môi tiah tăng cheăng pêi ăm mâu ngế pêi cheăng a cheăm tơring.